შოკოლადის ინჟინერი _ თუ გიზიდავთ ინჟინერია და დიზაინერული ნიჭიც გაქვთ, შეგიძლიათ, გამოსცადოთ ძალები შოკოლადის წარმოებაში. ამ ძალიან გემრიელი საქმით დაკავებულებს ევალებათ, რომ შექმნან მრავალფეროვანი ლამაზ-ლამაზი და უგემრიელესი შოკოლადები.
ჩაის დეგუსტატორი _ ეს არის ერთ-ერთი ძალიან მნიშვნელოვანი პროფესია ჩაის ინდუსტრიაში. დეგუსტატორები არა მარტო ჩაის გემოს ამოწმებენ, არამედ მის შემადგენლობას და თვისებებს.
საღეჭი რეზინის შემგროვებელი _ ალბათ, ხშირად ყოფილა შემთხვევა, როდესაც ქუჩაში საღეჭი რეზინი ფეხსაცმლის ძირზე მიგკრობიათ. ასევე, ხშირად შეხვდებოდით სკამების ან მაგიდების ქვეშ აკრულ სახეჭ რეზინებს. ასეთი უსიამოვნო მოვლენების თავიდან ასაცილებლად არსებობენ ამ უცნაური პროფესიის ადამიანები, რომლებიც დადიან ქუჩა-ქუჩა და უადგილო ადგილას დაგდებულ-დაკრულ საღეჭ რეზინებს აგროვებენ. რაც მთავარია, ეს ცალკე პროფესიაა და არ შედის დამლაგებლის ან მეეზოვის კომპეტენციაში.
