ნიკოლაი გლუშკოვი, ბორის ბერეზოვსკის ყოფილი პარტნიორი საკუთარ სახლში გარდაცვლილი აღმოაჩინეს. აღნიშნულ ინფორმაციას CNN ავრცელებს.
ლონდონის პოლიციის განცხადებით, გლუშკოვის სიკვდილს სერგეი სკრიპალის მოწამვლასთან კავშირი არ აქვს.
როგორც ცნობილია, გლუშკოვს რუსეთის ხელისუფლება 1990-იან წლებში აეროპორტის დირექტორის მოადგილედ მუშაობის პერიოდში, ჩადენილ თაღლითობაში ადანაშაულებდა, რის გამოც, 2000 წელს თანხის მითვისების ბრალდებით დააკავეს.
2004 წელს საველოვსკის სასამართლომ 3 წლითა და 3 თვით პატიმრობა შეუფარდა.
2010 წელს გლუშკოვმა ბრიტანეთში პოლიტიკური თავშესაფარი მიიღო, თუმცა, რუსეთი თაღლითობის ბრალდებით ბრიტანეთს მის გადაცემას 2016 წელს სთხოვდა. ბრიტანეთმა კი გლუშკოვის ექსტრადირებაზე რუსეთს უარი უთხრა.
როგორც ცნობილია, რუსი ოლიგარქი, ბორის ბერეზოვსკი საკუთარ სახლში გარდაცვლილი 2013 წელს იპოვნეს და გლუშკოვს ვერსია, რომ ბერეზოვსკიმ თავი მოიკლა არასდროს სჯეროდა.
როგორც ცნობილია, გლუშკოვის გარდაცვალების ირგვლივ გამოძიებას კონტრტერორისტული ოფიცრები აწარმოებენ.
