საქართველოს ყოფილი პრეზიდენტი მიხეილ სააკაშვილი ქართველ ხალხს მიმართავს და აცხადებს, რომ საქართველოში ჩამოსვლას აპირებს, რათა ქვეყანა სოციალურ-ეკონომიკური მდგომარეობიდან გაათავისუფლოს. მისი თქმით, ქვეყანაში ბიძინა ივანიშვილის მმართველობა უნდა დასრულდეს.
,,ამ გაუარესებულ ეკონომიკურ მდგომარეობას აქვს კონკრეტული გამომწვევი მიზეზი და ეს მიზეზი არის ის მაფია, რომელიც ჩამოყალიბდა ეკონომიკის მართვის პროცესში. საქმე ის არის, რომ ივანიშვილი საქართველოში აკეთებს ზუსტად იმავეს, რაც მან იცის 90-იანი წლების რუსეთიდან, კერძოდ, ის მოელაპარაკა რამდენიმე ბანკს და რამდენიმე ბანკის მეშვეობით დაკავებულია ქართული ეკონომიკის გაჩანაგებით, ყველაფრის ხელში ჩაგდებით, თითოეული ქართული ოჯახის ამ ბანკების მევალედ ქცევით.
მე, მიხეილ სააკაშვილი ვეუბნები ამ მაფიას, ჩვენ გავაუქმებთ თქვენს მმართველობას . დავუბრუნებთ ეკონომიკურ ძალაუფლებას თითოეულ ქართველს და ნამდვილ ქართულ ბიზნესს, როდესაც ამას მივაღწევთ, ეს მოგვცემს საშუალებას, მაშინვე გავზარდოთ ხელფასები. მე ვარ დარწმუნებული ხელისუფლების შეცვლის შემდეგ და ხელისუფლება უნდა შეიცვალოს წელსვე საპრეზიდენტო არჩევნების კვალდაკვალ, მინიმალური პენსია იქნება იქნება 400 ლარია, ამას ვამბობ ადამიანი, რომელმაც გაზარდა პენსია 11-ჯერ საქართველოში და ბევრად მეტად გავზრდიდი, რომ დამცლოდა მაშინ.
ახლა ისინი ჩემზე შემდგომ საქმეებს აღძრავენ, მხოლოდ იმ მიზნით, რომ არც ვიფიქრო საქართველოში ჩასვლა. ვერ მოესწრებით, მე ჩამოვალ საქართველოში და ყველა ამ პროგრამას მე განვახორციელებ ჩვენს გუნდთან ერთად, მე არ მივატოვებ ქართველ ხალხს განსაცდელში. მაფიის თარეში უნდა დასრულდეს, საქართველო უნდა გათავისუფლდეს და ამოისუნთქოს შვებით!“ _ განაცხადა სააკაშვილმა.
