სოციალურ ქსელში გავრცელდა ვიდეო, თუ როგორ აღნიშნეს “ქართულ ოცნებაში” გივი ჭიჭინაძის გამარჯვება.
ვიდეოში ჩანს, რომ მმართველი პარტიის წევრები, მათ შორის ვანისა და ხონის 54-ე საარჩევნო ოლქში „ქართული ოცნება – დემოკრატიული საქართველოს“ გამარჯვებული კანდიდატი გივი ჭიჭინაძე და ფრაქცია „ქართული ოცნების“ თავმჯდომარე მამუკა მდინარაძე მღერიან.
შეგახსენებთ, რომ ვანისა და ხონის 60-ივე უბნის წინასწარი მონაცემებით, არჩევნებში ხმების უმრავლესობა „ქართული ოცნება – დემოკრატიული საქართველოს“ კანდიდატმა გივი ჭიჭინაძემ მოიპოვა, მას ხმების 57.86% აქვს. მეორე ადგილზეა „ბაქრაძე, უგულავა – ევროპული საქართველოს“ კანდიდატი გიგი უგულავაა 38.38%-ით. ამომრჩეველთა აქტივობამ 57,9 % შეადგინა.
