სოციალური ქსელის მომხმარებელი ბექა კობახიძე ფეისბუქის საკუთარ გვერდზე პოსტს აქვეყნებს, რომელშიც ლევილში სტუმრობის შესახებ ჰყვება.
“დღეს ლევილში მივედით. პიანინოზე დაუკარითქო ვთხოვე და თავიც ავხადე. თავი ვეღარ შეიკავა და დაუკრა. კადრშიც ჩანს, დაიწუწუნა ფეხზე მდგომი ვეღარ ვუკრავო და დაჯდა.
96 წლის კაცი, რეჯებ ნოეს ძე ჟორდანია. ის 1921 წლის დეკემბერში დაიბადა, ხოლო ლევილი საქართველოს მთავრობამ ზუსტად 96 წლის წინ, 1922 წლის 24 ივნისს შეიძინა. რეჯებმა აქ აიდგა ფეხი. ლევილის ქართული მამული და რეჯები ტოლები არიან, ეს ერთი ისტორიაა.
ჰოდა რა გასაკვირია, რომ სხვა აღტყინება დაეტყო ლევილში მისვლისთანავე.
საოცარი დღე გამოვიდა, მათთვის ათწლეულობით ტრადიციული შეკრების, ჩემთვის წიგნებში წაკითხულისა და ბევრჯერ გაგონილის უშუალოდ ნახვის. ამაზე სხვაგან იყოს”, _ წერს ბექა კობახიძე და ვიდეოს აქვეყნებს, სადაც ნოე ჟორდანიას 96 წლის შვილი ამაღელვებლად ასრულებს მელოდიას.
