“მუნიციპალიტეტის კორუმპირებულ ხელმძღვანელთა მხრიდან ჩადენილ უკანონობასთან ერთად, ვფიქრობთ, რომ განსაკუთრებულ ყურადღებას საჭიროებს, სახელდობრ, ანგარიშის ის ნაწილი, რომელიც მუნიციპალიტეტის მხრიდან საკონსულტაციო შესყიდვას შეეხება. კერძოდ აუდიტის ანგარიშში აღნიშნულია შემდეგი _ “2016 -2017 წლებში ოზურგეთის მუნიციპალიტეტსა და შპს ,,დაუ +,, შორის გაფორმდა ხელშეკრულება საფინანსო საკონსულტაციო მომსახურების შესყიდვაზე ღირებულებით 9,6 ათას ლარი.“- ეს განცხადება “ერთიანი ნაციონალური მოძრაობის“ ოზურგეთის რაიონული ორგანიზაციის ხელმძღვანელმა და ოზურგეთის მუნიციპალიტეტის საკრებულოს წევრს დავით მჟავანაძეს ეკუთვნის, რომელიც ოზურგეთში გაკეთებულ პრესკონფერენციაზე გააკეთა და ამის შესახებ “გურია ნიუსი“ წერდა.).
ოზურგეთის მუნიციპალიტეტის საფინანსო-საიბუჯეტო სამსახურის უფროსი გია მამაკაიშვილი ამბობს, რომ აუდიტის დასკვნაში საგანგაშო არაფერი წერია.
“მე პირობას გაძლევთ რომ თუკი ამ სამსახურში გავაგრძელებ მუშაობას, აღნიშნული ასოციაციის მომსახურებაზე ნამდვილად არ ვიტყვი უარს. თუნდაც ეს აუდიტის რეკომენდაციაში იყოს ჩადებული. მე არ ვთვლი, რომ ეს თანხები არამიზნობრივად იხარჯებოდა. ამის დასტურია თუნდაც ის, რომ სახელმწიფო აუდიტის დასკვნაში საფინანსო სამსახურის მიმართ მხოლოდ რამდენიმე სარეკომენდაციო შენიშვნაა. თანხების გაფლანგვას რომ ადგილი ჰქონოდა ახლა ჩვენ აქ არ ვისხდებოდით. ეს მომსახურება ჩვენ შეძენილი გვაქვს არა მარტო 2016-17 წლებში არამედ 2014 წლიდან, როდესაც მე მოვედი მუნიციპალიტეტში, თუმცა მანამდეც, წლების წინაც სარგებლობდა ამ მომსახურებით მუნიციპალიტეტი და ჩვენ გავაგრძელეთ. საქართველოს ადგილობრივ თვითმმართველობათა ასოციაციაა ავტორი სახელმძღვანელოსი, რომელიც ნებისმიერი ფინანსისტისთვის სამაგიდო წიგნია. აქ თავმოყრილია ყველა სიახლე, ყველა ნორმატიული აქტი თავისი კომენტარებით, ახსნა-განმარტებით. პოზიციებით. აღსანიშნავია, რომ ასოციაცია, არა მხოლოდ ინფორმაციას გვაწვდიდა, არამედ მათ მიერ ხდებოდა ტრენინგების, სწავლებების ორგანიზება,გარდა ამისა, თავად ასოციაციასთან მიმდინარე წლის 18 იანვრიდან გაფორმებული გვაქვს შესაბამისი მემორანდუმი, საწევროს სახით კი, მოსახლეობის რაოდენობიდან გამომიდინარე, განსაზღვრულია წელიწადში 20 000 ლარი”, _ თქვა მედიასთან საუბრის დროს გია მამაკაიშვილმა.
პრესკონფერენციაზე რატომღაც დავით მჟავანაძეს არ გაუკეთებია აქცენტი იმ ფაქტზე, რომ თუ მერაბ ჭანუყვაძის გამგებლობის დროს შპს “დაუ+“-ს 9000 ლარზე გადაურიცხა, ახლა ოზურგეთის მუნიციპალიტეტის მერის, კონსტანტინე შარაშენიძის დროს 20 000 ლარი არის გამოყოფილი.
“ხელშეკრულების თანახმად, შპს ,,დაუ +,,-ს ევალებოდა ადგილობრივი თვითმმართველი ერთეულის ბიუჯეტების შესრულებისა და ანგარიშგების, პროექტის შედგენის, განხილვის, მიღების, ცვლილების შეტანის, შესრულების, ანგარიშგების, გარე და შიდა აუდიტის ჩატარების თაობაზე ახალი ნორმატიული აქტების, მოქმედ ნორმატიულ აქტებში შეტანილი ახალი ცვლილებებისა და სხვა მასალების მიწოდება.
მუნიციპალიტეტის საფინანსო-საბიუჯეტო საქმიანობის თაობაზე მოთხოვნილი ნებისმიერი კონსულტაციის მომზადება და მიწოდება. ასევე ზეპირი ან სატელეფონო განმარტებების მიწოდება.,,
აქედან გამომდინარე, ნათლად ჩანს, რომ მუნიციპალიტეტის მიერ მისაღები მომსახურება იმდენად ვრცელია, რომ იგი მთლიანად მოიცავს მუნიციპალიტეტის მიერ განსახორციელებელ საფინანსო-საბიუჯეტო საქმიანობას.
ანუ, მუნიციპალიტეტის 19-მა თანამშრომელმა დაიქირავა შპს ,,დაუ +,, რომელიც თურმე ფაქტიურად და სრულად ასრულებდა იმ საქმიანობას, რომელიც ამ 19 თანამშრომლის კომპეტენცია იყო. თანაც გაცილებით უფრო იაფად, ვიდრე იგივე 19 თანამშრომელი.
უფრო კონკრეტულად რომ ვთქვათ მუნიციპალიტეტს გარკვეული საქმიანობის განსახორციელებლად შტატით აყვანილი ყავდა 19 თანამშრომელი, შემდეგ კი ამ თანამშრომლების საქმიანობის განსახორციელებლად დაიქირავა კერძო კომპანია.
ეს ყველაფერი კი იმას ნიშნავს, რომ მუნიციპალიტეტის სამსახურები და საკრებულოს შესაბამისი კომისიები ქმედუუნარონი იყვნენ, თავი რომ დავანებოთ ნორმატიული აქტების შემუშავებას ახალ ნორმატიულ აქტებსა და მათში შეტანილ ცვლილებებს მიღება-ჩაბარების აქტებით იბარებდა მუნიციპალიტეტი შპს ,,დაუ +,,-სისაგან და მათი მოძიებითა და წაკითხვითაც არ იღლიდნენ თავს შესაბამისი თანამდებობის პირები.
დასკვნაში პირდაპირაა მითითებული, რომ მუნიციპალიტეტის თანაშრომლების ვალდებულებაა გაჩნდეთ შესაბამისი ცოდნა და კვალიფიკაცია, ანუ მიუთითებს მათ დაბალ კვალიფიკაციაზე, რომლის ასამაღლებლადაც არანაირ ღონისძიებას არ მიმართავდა მუნიციპალიტეტი.
ყველაფერი ეს გამოვლენილია იმისდა მიუხედავად, რომ ამავე მუნიციპალიტეტის თანაშრომლებს გავლილი აქვთ კონკურსები და ღონისძიებები მათი კვალიფიკაციის და უნარების დასადგენად, რის შედეგად მინიჭებული აქვთ თანამდებობრივი რანგები, მათ მაღალ თანამდებობზე გამწესებაზე გააჩნდათ და გააჩნიათ პრეტენზიები”, _ თქვა შეხვედრაზე დავით მჟავანაძემ.
