“ამ ყველაფრის წახალისებით მალე თქვენთანაც მოვლენ”_ “ქართული ოცნების” დეპუტატი ნინო წილოსანი, ბოლო დროს გახშირებულ თანამდებობის პირების გაქურდვის ფაქტებს სოციალურ ქსელში ეხმაურება:
“მიუხედავად იმისა, ვის რამდენად გსიამოვნებთ პოლიტიკოსების სახლების ქურდობები, მარტივ ლოგიკა/კეთილგონიერებას მაინც მიმართეთ _ ამ ყველაფრის წახალისებით მალე თქვენთანაც მოვლენ და ის ვინც ამას ორკესტრირებულად აკეთებს, აუცილებლად, თავად ამ ყველაფრის მსხვერპლი გახდება, ოდესღაც..
დანარჩენი სამართალდამცავების საქმეა”, _ წერს დეპუტატი.
მის ამ პოსტს გამოხმაურებებიც მრავლად მოჰყვა.
“ესე იგი ეგეც ჩვენი ბრალი ყოფილა ხო ჩვენ გამოუშვიც ქურდები გარეთ და ჩვენ არ დაუტოვეთ უმუშევარ 80% მოსახლეობას სხვა გზა არა ყველა დასაჭერები ვართ”, _ დეპუტატის პოსტის კომენტარებში წერს ერეკლე დოლიძე.
“იმას კი არ ამბობენ, რომ მათ მიერ გატარებული უსუსური პოლიტიკის შედეგია ეს ყველაფერი! ჩვენ კი კარგა ხანია გაძარცვულები ვართ ჩვენივე არჩეული მთავრობის მიერ, მეტი რაღა უნდა გაგვძარცვონ“, _ აღნიშნავს მიშა ქილიფთარი.
“ხომ გაგიგიათ მეფეს რომ მოახსენეს: ხალხი ტირის მეფეო და რავქნათო; არაუშავსო, _უპასუხა მეფემ _ არც ისე ცუდად ყოფილა საქმეო. კიდევ რომ იკითხა მეფემ, ხალხი რასშვებაო _ ხალხი იცინის მეფეო, გახსოვთ რა უპასუხა მეფემ? _ აი ეს სიტუაციაა ეხლა ქალბატონო ნინო….რა დროს ნიშნის მოგებაზეა საუბარი, იმდენად უმოქმედო და უნიათო გახდა მთავრობა. მთავრობის წევრებს ქურდავენ და იძულებული არიან თქვან _ ეს არაფერი კაცო, წვრილმანი ქურდობა იყო, ქურდობასაც ვერ დავარქმევო. აი ეს არის სამარცხვინო და ნიშნის მოსაგები, ასეთი პასუხი”, _ წერს სოციალური ქსელის მომხმარებელი მიიმოზა ქუტიძე, რომლის კომენტარი წილოსანს უპასუხოდ არ დაუტოვებია:
“ქალბატონო მიმოზა, ვფიქრობ საკმაოდ გარკვევით გამოვხატე რასაც ეძღვნებოდა ჩემი პოსტი _ ამ საქციელის მოწონება, თუნდაც ეს შენს პოლიტიკურ ოპონენტს ეხებოდეს, ახალისებს დანაშაულს… ეს იყო შინაარსი.
და რაც შეეხება ხალხის გაჭირვებას _ ძალიან კარგად ვიცი და ჩემს ხელთ არსებულ ბერკეტებს მაქსიმალურად ვიყენებ. კრებსით საყვედურს არ ვეთანხმები ამ შემთხვევაში, როცა ჩემს პირად გვერდზე შემოდიხართ დისკუსიაში. მადლობა რომ დაინტერესდით ჩემი პოსტით”, _ აღნიშნავს დეპუტატი.
შეგახსენებთ, რომ ბოლო პერიოდში საგრძნობლად იმატა ქურდობის ფაქტებმა. ამ ფონზე კი ირკვევა, რომ იქურდება მაღალი თანამდებობის პირების სახლებიც.
