“ოკუპაციას უნდა დავუპირისპირდეთ დემოკრატიული ინსტიტუტების გაძლიერებით” – სესიაშვილი

მთავარი პრობლემა არის ოკუპაცია, რომელსაც უნდა დავუპირისპირდეთ დემოკრატიული ინსტიტუტების გაძლიერებით – ამის შესახებ განცხადება პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილმა გააკეთა.

“ჩვენ დღეს მოუსმინეთ მინისტრობის კანდიდატებს თეა წულუკიანს, ქეთევან ციხელაშვილს, ვახტანგ გომელაურს და ირაკლი ღარიბაშვილს. მე თითოეულ მათგანს ვიცნობ როგორც საქმეში, ასევე კრიზისში, პრინციპული პოზიციების გადაწყვეტისას და რეფორმებში. ჩემთვის მათი საქმიანობა და გეგმები უცხო არ ყოფილა. ჩვენ გავეცანით საერთო სამთავრობო პროგრამას. რა თქმა უნდა, ჩვენ ვართ ამბიციურ რეფორმებზე და პერსპექტივებზე ორიენტირებულნი, ჩვენ ქვეყანას ჭირდება ძალიან სწრაფი და ეფექტური განვითარება. მთავარი პრობლემა არის ოკუპაცია, რომელსაც უნდა დავუპირისპირდეთ დემოკრატიული ინსტიტუტების გაძლიერებით, ჩვენი ევროპული და ევროატლანტიკური არჩევანით და ამ არჩევანის რეალიზაციით, ეკონომიკის გაძლიერებით და ამ ყველაფრის საწინდარი უნდა იყოს ჩვენი ქვეყნის და ჩვენი მოქალაქეების უსაფრთხოება. აქ ჩვენ გვაქვს ერთიანი პოზიციები და მთავრობისთვის ნდობის გამოცხადების შემდეგ მოგვიწევს ერთად ძალიან ბევრი მუშაობა.”