საქართველოს პრეზიდენტი სალომე ზურაბიშვილი მორიგ სკანდალში ეხვევა _ “იმედის კვირამ” გაარკვია, რომ ზურაბიშვილმა, მკვლელებთან და ძებნილთან ერთად, ნარკორეალიზატორიც გაათავისუფლა.
1994 წელს დაბადებული მსჯავდებული, რომელიც ახლა უკვე თავისუფალია, გასამართლებულია 260-ე მუხლის მე-6 ნაწილით, რაც არის გასაკუთრებით მძიმე კატეგორიის ნარკოდანაშაული და 16-დან 20 წლამდე ან უვადო თავისუფლების აღკვეთას ითვალისწინებს
როგორც ირკვევა, პრეზიდენტმა, სალომე ზურაბიშვილმა აღნიშნული პირი შეიწყალა და გაათავისულა, როგორც საპატიმრო სასჯელის მოხდისგან, ასევე შეუმცირა პირობითი სასჯელი.
ასევე მნიშვნელოვანია ის გარემოება, რომ პროკურატურა ასეთი მძიმე დანაშაულის შემთხვევაში, საპროცესო შეთანხმების პირობებშიც კი არ მიდის რამდენიმეწლიან სასჯელზე.
“იმედის კვირის” ინფორმაციით, ეს არ არის ერთადერთი ნარკოდანაშაულისთვის გასამართლებული ადამიანი, რომელიც პრეზიდენტის სიაში მოხვდა.
