ქუთაისში დაკარგულ ტურისტს ეძებენ.
გავრცელებული ინფორმაციით, ნიდერლანდებიდან ჩამოსული მამაკაცი, 7 მარტს გაუჩინარდა.
მომხდარის შესახებ ინფორმაცია დაკარგულის ძმამ სოციალურ ქსელში გაავრცელა.
მისი ინფორმაციით, სიიმ ვიგერი ბოლოს კაფეში მეგობართან ერთად იმყოფებოდა, შემდეგ კი სასტუმროში აღარ დაბრუნებულა.
როგორც დაკარგული მამაკაცის მეგობარი ამბობს, პოლიციას უკვე მიმართეს და ნიდერლანდებიდან 4 ადამიანი აპირებს ჩამოსვლას, რომ მოძებნაში დაეხმაროთ.
„მთელი ღამე ვეძებდით. ჰოსტელში აღარ დაბრუნებულა. გუშინ პოლიციას მივმართეთ. ბოლო 34 საათია მასზე არაფერი გვსმენია. დღესაც პოლიციაში მივდივართ. ფეისუქიდან გავიგე, რომ რამდენიმე ადამიანმა ნასვამ მდგომარეობაში რუსთაველზე ნახა.
4 ადამიანი მოფრინავს ნიდერლანდებიდან, რომ მის მოძებნაში დაგვეხმაროს,“_ ამბობს ის “რუსთავი 2”-თან საუბარში.
