ჩინეთის სამედიცინო სფეროს წარმომადგენლებმა განაცხადეს, რომ იაპონიაში გამოყენებული მედიკამენტი „Favipiravir” ეფექტურად მოქმედებს “COVID-19”-ით დაინფიცირებულ პაციენტებზე. მედიკამენტის შექმნა დაფინანსებულია კომპანია „ Fujifilm”-ის მიერ და ეფექტური აღმოჩნდა 340 პაციენტის შემთხვევაში, რომლებიც უჰანში და შენჟენში იმყოფებიან. „მას აქვს ძალიან მაღალი უსაფრთხოების ხარისხი და ძლიერ ეფექტურია“, – განაცხადა ჩინეთის მეცნიერებისა და ტექნოლოგების მინისტრმა.
პაციენტებს, რომლებსაც მიღებული ჰქონდათ მედიკამენტი, სულ რაღაც 4 დღეში დაუფიქსირდათ უარყოფითი პასუხი COVID-19 ის ტესტზე, მაშინ როდესაც, ამ მედიკამენტის გარეშე ადამიანს, დაახლოებით, 11 დღე სჭირდება გამოსაჯანმრთელებლად. ამასთან ერთად, გამოკვლევებმა აჩვენა, რომ პაციენტების ფილტვების მდგომარეობა გაუმჯობესდა 91%-ით, მაშინ როდესაც წამლის მიღების გარეშე ეს მაჩვენებელი მხოლოდ 62%-ია. იაპონელი ექიმები იყენებენ იგივე მედიკამენტს მსუბუქ და საშუალო სიმძიმის შემთხვევებში, რათა ხელი შეუშალონ ვირუსის გავრცელებას. აქვე უნდა ითქვას, რომ იაპონიის ჯანდაცვის მინისტრის განცხადებით, იმ პაციენტებში, რომლებსაც სიმპტომები უფრო რთულად აქვთ გამოხატული, ეს მედიკამენტი არ არის ისეთი ეფექტური.
“favipravir”-ის გამოყენებისთვის აუცილებელია მთავრობის თანხმობა, რადგანაც ეს მედიკამენტი თავდაპირველად გრიპის წინააღმდეგ გამოიყენებოდა.
იაპონიის ჯანდაცვის მინისტრის განცხადებით, მედიკამენტის გამოყენება შესაძლებელი გახდება მაისში, თუმცა ჯერ კლინიკური კვლევის სტადია არ დასრულებულა.
