,,საქართველოში ვირუსის შემთხვევები მინიმალურია, ზომები – მაქსიმალური” – ამ სათაურით ფრანგული რადიოს ,,Euradio” ვებგვერდზე სტატია გამოქვეყნდა.
Euradio – ს ყოფილი ჟურნალისტი, ლიკა ჭიპაშვილი, რადიოსთან ინტერვიუში აღნიშნავს, რომ საქართველოში ჯანდაცვის სისტემაში კრიზისი თითქმის სრულ კონტროლზეა აყვანილი.
მისივე თქმით, მსოფლიოსთან და ევროპასთან შედარებით, საქართველოში ნაკლებად სერიოზული და საკმაოდ სტაბილური სიტუაციაა.
,,საქართველოში ვირუსი სხვა ქვეყნებთან შედარებით ძალიან ნელა ვრცელდება. რადგან, საქართველომ ორი კვირიანი უპირატესობა მოიპოვა, ევროპის სხვა ქვეყნებთან შედარებით. ვირუსის გადაცემის მაქსიმალურად შესამცირებლად. ამ დროისთვის ყველაზე დამამშვიდებელი ფაქტი, ის არის, რომ ჩვენ შეგვიძლია ვირუსის გადაცემის მართვა, რადგან პირველი შემთხვევიდან დღემდე ქვეყანაში (20 მარტის მონაცემებით), მხოლოდ კორონავირუსის 43 შემთხვევა დადასტურდა. ძირითადად, იტალიიდან ჩასულ ადამიანებზე ფიქსირდება, რადგან ერთ-ერთი ყველაზე პოპულარული ტურისტული მიმართულებაა ქართველებისთვის.
საქართველოში ვირუსის გავრცელების წინააღმდეგ ბრძოლის მიზნით, მთავრობამ კონკრეტული ზომები დააწესა. ზოგი ამბობს, რომ მთავრობამ გადაჭარბა ამ ზომებს, მაგრამ ვითარების ევოლუციის გათვალისწინებით, მე, როგორც საქართველოს მოქალაქეს, მჯერა, რომ ჩვენ კარგად ვუმკლავდებით არსებულ ვითარებას.
იანვრიდან გავაუქმეთ ფრენები ჩინეთსა და ირანში. მიღებულია ძალიან მკაცრი აეროპორტის სკრინინგული ზომები კორონავირუსის მაღალი რისკის მქონე ქვეყნებიდან. ამან მოგვცა საშუალება, გამოვავლინოთ აეროპორტში პირველი შემთხვევა.
მთავრობის გადაწვეტილებით ქვეყანაში ბაღები 2 მარტიდან არ მუშაობს, ასევე სკოლებში და უნივერსიტეტებში 1 აპრილამდე შეჩერებულია სასწავლო პროცესი, გაუქმებულია ყველა კულტურული და სპორტული ღონისძიებები.
18 მარტიდან, საქართველომ, ასევე ორი კვირით დააკეტა საზღვრები უცხო ქვეყნის მოქალაქეებისთვის.
რაც შეეხება სოციალურ მდგომარეობას, ჩვენთან არანაირი პანიკა და შიში არ არის. მთლიანად კვების სისტემა მუშაობს და მაღაზიებსაც პროდუქტი ჩვეულებრივ მიეწოდება. ნამდვილად არ არის იმის მიზეზი, რომ ადამიანებმა პროდუქტით თაროები შეავსონ.
საქართველოში მეტ-ნაკლებად სტაბილური მდგომარეობაა არსებული ვითარების გათვალისწინებით.
პრიორიტეტულია, საზღვარგარეთიდან ჩვენი თანამემამულეების რეპატრიაცია. ჩვენ უკვე დავაბრუნეთ ორასი ქართველი, რომლებიც იყვნენ იტალიაში, ბულგარეთში და ასევე ჩვენი სტუდენტები ეგვიპტეში. ჩვენი დიპლომატიური სამსახურები მუდმივად მუშაობენ ამ რეპატრიაციების ორგანიზების მიზნით.
19 მარტს, მთავრობამ კონკრეტული ზომა მიიღო საზღვარგარეთ მყოფი ჩვენს მოქალაქეებისთვის, მათ ინტერნეტით სამედიცინო კონსულტაცია შესთავაზა.
ამ კონტექსტში მე ნამდვილად მსურს მივესალმო და მადლობა ვუთხრა ჩვენს ექიმებს ევროპაში და მთელ მსოფლიოში მათი ყოველდღიური მუშაობისთვის.
დღეს მართლაც პარადოქსულად, უდიდესი თავისუფლებაა საკუთარი თავის იზოლაცია. მოდით, დავეხმაროთ ჩვენს ექიმებს პანდემიის წინააღმდეგ ბრძოლაში,” _ განაცხადა ქართველმა ჟურნალისტმა euradio – თან ინტერვიუში.
ამ დროისთვის საქართველოში კორონავირუსის 54 შემთხვევაა დადასტურებული, რომელთაგან 8 გამოჯანმრთელდა.
