არგენტინის ჯანდაცვის სამინისტროს წარმომადგენლები ქვეყნის მოსახლეობას კორონავირუსის პანდემიის პირობებში უსაფრთხო სექსის შესახებ რჩევებს აძლევს, _ ამის შესახებ ინფორმაციას Reuters-ი ავრცელებს.
როგორც გამოცემა წერს, ექიმმა ხოსე ბარლატემ ტელემიმართვისას სექსის მოყვარულებს მოუწოდა, რომ სექსუალური ურთიერთობის შემდეგ ხელები დაიბანონ, როგორც ფიზიკური, ასევე, ვირტუალური კონტაქტის დროს.
,,ახლა უფრო მნიშვნელოვანია ხელების დაბანა, ვიდრე ეს ოდესმე იყო, სექსუალური ურთიერთობის შემდეგ, ასევე მასტურბაციის და ვირტუალური სექსის შემდეგ.
ასევე, მნიშვნელოვანია კლავიატურების, ტელეფონების, სექსუალური სათამაშოების და სხვა ნებისმიერი გამოყენებული ნივთების დეზინფექცია“, _ განაცხადა ხოსე ბარლატემ.
როგორც გამოცემა წერს, არგენტინაში, კორონავირუსის გავრცელებამ და მიღებულმა შეზღუდვებმა სექსუალური სათამაშოების გაყიდვა გაზარდა.
არგენტინაში კარანტინის რეჟიმი 20 მარტიდან მოქმედებს. ქვეყნაში კორონავირუსის 2 669 შემთხვევა დადასტურდა, 122 ადამიანი კი გარდაიცვალა.
მსოფლიო ჯანდაცვის ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადდა.
