ოზურგეთელი ინგა დუმბაძე საკუთარ ფეისბუქვერდზე დიდი ტრაგედიის შესახებ წერს:
„ნატაშა მშობიარობას გადაყვა.
როგორც მეზობლებმა მითხრეს, ბოლო დღეებში წნევა აწუხებდა.
სოფელში მოძრაობა შეზღუდული იყო. არავინ შეაწუხა მორიდებულმა ცოლქმარმა, ითმინეს… აქაოდა ვინმეს პრობლემა არ შევუქმნათო.
როცა საავადმყოფოში გადაიყვანეს, ძალიან დაგვიანებული იყო.
დარჩა ორი შვილი – ერთი წლის და ექვსი თვის გიორგი და ახალდაბადებული 7 დღის ჩვილი…
ამ პატარამ საერთოდ ვერ იგრძნო დედის სითბო…
ჩვილი ბათუმშია, ინკუბატორში. იმედია, იცოცხლებს.
რამოდენიმე დღეა, გულის ტკივილს ვერ ვიჩერებთ მეზობლები… ყველას გითანაგრძნობთ.
P. S. ნატაშას ოჯახი სოციალურად დაუცველია. ისინი ოზურგეთის მუნიციპალიტეტის სოფელ ცხემლისხიდში ცხოვრობენ“.
