გიორგი დოლიძე ფეისბუქის მომხმარებლებს კარგად ახსოვთ. ვიდეო, რომელიც სოციალურ ქსელში რამდენიმე წლის წინ გავრცელდა და პატარა გიორგი “ტარიელეს ქორწილის” ამბებს ჰყვება, ქსელში ძალიან პოპულარული იყო და მას უამრავი ნახვა ჰქონდა. დღეს გიორგის ახალ ვიდეოს შემოგთავაზებთ, რომლითაც გიორგიმ ინგლისურ ენაში დავალება შეასრულა.
ცნობისთვის, გიორგი დოლიძე ჩოხატაურის მუნიციპალიტეტის სოფელ შუაფარცხმის საჯარო სკოლის მოსწავლეა. მას ინგლისურ ენას ეკატერინე მეგრელიშვილი ასწავლის. სწორედ, ეკა მასწავლებელმა გამოაქვეყნა ვიდეო სოციალურ ქსელში ტექსტით:
“მინდა გაიცნოთ, ეს ჩემი უმაგრესი და უპოზიტიურესი მოსწავლე, გიორგი დოლიძეა.
მოსწავლეებს დავალებად ექიმისა და პაციენტის დიალოგი მივეცი, როლურად შესასრულებლად.
გიორგიმ გადაწყვიტა, ორივე როლი მოერგო _ გადაიღო ვიდეო და გამომიგზავნა მესენჯერში. მცირე შენიშვნა მივეცი გიორგის, რომ პაციენტი ერთ მხარეს უნდა ყოფილიყო და ექიმი მეორე მხარეს. გიორგიმ არ დააყოვნა და გურული სისხარტით მომაგება _ “არ მაწყობდა მასე, მას”, “დავიღალე, ყველა პაციენტზე ვიცვლიდი”.
დღეს სრული პოზიტივი მომანიჭა გიორგიმ, დიდი მადლობა ამისთვის მას.
ბოლოს ვიდეოს დადების ნებართვაც მისგან ავიღე”, _ წერს გიორგის მასწავლებელი.
