ზუგდიდის ბოტანიკურ ბაღში კვლავ გრძელდება ვანდალიზმის ფაქტები. აღნიშნულ ინფორმაციას ბოტანიკური ბაღის ადმინისტრაცია ავრცელებს და საზოგადოებას მოუწოდებს, თავი შეიკავოს მსგავსი ქმედებისგან.
“ზუგდიდის ბოტანიკური ბაღი თითოეული ჩვენი მოქალაქის საკუთრებაა და მისი დაზიანება გულისხმობს, სხვისი ქონების დაზიანებას. ბოტანიკურ ბაღის ტერიტორიაზე არაერთხელ დაფიქსირდა სკამის დაშლის ფაქტი. აღნიშნული ფაქტები მიუთითებს მიზანმიმართული ქმედებისაკენ, რადგან მსგავსი ქმედება შეუძლებელია ხელსაწყოების არქონის გარეშე. ასევე შეუძლებელია ხელსაწყოების ქონის გარეშე მოიხსნას საპირფარეშოს კარის საკეტი. განსაკუთრებით დილის და საღამო პერიოდებში, არასამუშაო საათებში ბოტანიკური ბაღის ტერიტორიაზე დაფიქსირებულია მცენარეთა მოპარვის ან/და დაზიანების ფაქტები. მოვუწოდებთ საზოგადოებას, თავი შეიკავოს მსგავსი ქმედებებისკენ, რადგან თითოული ეს ფაქტი იწვევს სისხლის სამართლის დევნას სხვისი ქინების განზრახ ან/და გაუფრთხილებლად დაზიანებას, _ ნათქვამია ინფორმაციაში.