ახლახან დაიწყო კონკურსი, „ივერია ბრილიანტი“. კონკურსი შშმ პირებს აძლევს საშუალებას, გამოავლინონ საკუთარი შესაძლებლობები ხელოვნებაში და აქტიურად ჩაერთონ საზოგადოებაში.
„ივერია ბრილიანტი კოვიდ 19-ის“ წინააღმდეგ _ წელს ასეთია კონკურსის ჩატარების იდეა. პანდემიის წინააღმდეგ ბრძოლის სულისკვეთებით შექმნილმა პროექტმა, საყოველთაო მოწონება დაიმსახურა.
კორონას წინააღმდეგ ორგანიზებულ ამ კონკურსში, რვა ქვეყნის წარმომადგენლები მონაწილეობენ (საქართველო, ისრაელი, პოლონეთი, უკრაინა, რუსეთი, თურქეთი, აზერბაიჯანი და სომხეთი).
ასოციაცია „გურიას“ წარმომადგენლები, კონკურსის დაწყებამდე, საგანგებოდ ემზადებოდნენ _ იკრიბებოდნენ, თვით „გურიას“ ოფისში, ერთმანეთთან, ოჯახებში და ასე ახერხებდნენ რეპეტიციებს. მათ მოამზადეს საესტრადო და ფოლკლორული ჟანრის სიმღერები.
_ აღნიშნული პროექტის ორგანიზატორი არის ნუგზარ ჭიაბერაშვილი და რაც მთავარია, ტარდება პატრიარქის ლოცვა-კურთხევით. ვმეცადინეობდით რეკომენდაციების სრული დაცვით. პედაგოგები _ სალომე კვირკველია და შალვა ინწკირველი, თავს არ ზოგავდნენ, რომ ჩვენთთვის მაქსიმუმი გაეკეთებინათ. პროექტი, რომელიც პანდემიის წინააღმდეგ არის მიმართული, ჩვენთვის ძალიან პრესტიჟული და საამაყოა. ადამიანები, რომლებიც ყველაფერს აკეთებენ, რომ არ მოვწყდეთ სცენას, გარემოს, საზოგადოებას, ასეთი თანადგომით შთაგვავგონებენ, რომ მაქსიმალურად კარგად წარვდგეთ ამ კონკურსზე“, _ ამბობს საქველმოქმედო ასოციაცი „გურიას“ წარმოადგენელი, თამარ ლურსმანაშვილი.
სხვადასხვა კონკურსის გამარჯვებული, ასოციაცის „გურიას“ სახედ მიჩნეული მონიკა ახვლედიანი, საუბარს, კონკურსის ორგანიზატორთა მისამართით მადლიერების გამოხატვით იწყებს და ამბობს, რომ მართალია ონლაინ-რჟიმში მონაწილეობს, თუმცა, ეს გაცილებით უფრო მოტივირებულს ხდის, რადგან კოვიდ 19-ის წინააღმდეგ მიმართული კონკურსია.
_ მალე ჩვენი ვიდეოები დაიდება, რის მეშვეობითაც ნახავთ იმ მუსიკალურ ნომრებს, რომლითაც გადავწყვიტეთ კონკურსში მონაწილეობა. ძალიან გამიხარდება, ვისაც მოეწონება, თუ დაგვიკავშირდება და გამოხატავს თანადგომას, ემოციას, აზრს. მე თითოეული თქვენგანის მხარდაჭერის იმედი მაქვს, _ გვეუბნება მონიკა ახვლედიანი.
როგორც კონკურსის მონაწილეებმა გვითხრეს, ჩვენი გაზეთის საინფორმაციო მხარდაჭერის იმედი აქვთ.
დღეისთვის თამარს და მონიკას კონკურსზე გაგზავნილი აქვთ ხუთი ვიდეომასალა. 20 ივლისიდან, როგორც მათ გვითხრეს, დაიწყებენ ამ ვიდეოების ინტერნეტ სივრცეში გამოქვეყნებას.
ჩვენი ახალგაზრდული გაზეთი წარმატებას უსურვებს მათ და როგორც ყოველთვის, საგანგებოდ ვგულშემატკივრობთ საქველმოქმედო ასოციაცია „გურიისა“ და ყველა შშმ პირს, რომელიც კონკურში მონაწილეობს.
ვიმედოვნებთ, მონიკა ახვლედიანი და თამარ ლურსმანაშვილი ამჯერადაც გაგვახარებენ ჩვეული წარმატებით.
