გურიაში კორონავირუსი დაფიქსირდა. კერძოდ, ჩოხატაურში, სოფელ ქვენობანში მცხოვრები გოგონა აღმოჩნდა დაინფიცირებული, რომელმაც ბათუმში, კაფე „დონაში“ ნამცხვარი მიირთვა. როგორც შემდეგ გავრცელდა ინფორმაცია, ეს გოგონა ოზურგეთში, სოფელ ასკანაში იყო სტუმრად და იქ დაინფიცირდა ოჯახის უფროსი, 62 წლის მამაკაცი.
„გურია ნიუსის“ წყაროს ინფორმაციით, ეს გოგონა ამ მამაკაცის ოჯახში საერთოდ არ ყოფილა სტუმრად. არამედ იყო ამ მამაკაცის ბიძაშვილთან, სხვა ოჯახში. სადაც ასევე გოგონას ბიძა ცხოვრობს. ჩვეულებრივი ნათესაური სტუმრობა იყო. თავად მამამაკაცი, როგორც წყარო გვეუბნება, იქ საერთოდ არ ყოფილა. მერე, როცა ხმა გავარდა ასკანაში კორონავირუსით დაინფიცირებული ადამიანის ყოფნის შესახებ, , სიფრთხილის დაცვის მიზნით, წავიდა და ანალიზი ჩაიტარა. მიუხედავად მისა, რომ არანარი სიმპტომი არ ჰქონდა, რაკი უთხრეს, რომ აღმოაჩნდა ვირუსი, დაემორჩილა წესებს და დარჩა საავადმოფოში.
ახლა მოვუსმინოთ ამ მამაკაცის შვილს, ქეთევანს:
_ ქალბატონი რომელსაც აღმოაჩნდა ვირუსი, ასკანაში, მამაჩემის ოჯახში არ ყოფილა სტუმრად. თუმცა, რაკი სოფელში ხმა გავარდა, სიფრთხილის მიზნით წავიდა ტესტის ჩასატარებლად. ოჯახში ბავშვები გვყავს. ასევე ჩვენ ყველამ ჩავიტარეთ ტესტირება. ყველას უარყოფითი პასუხი მოგვივიდა. თვით ქვენობნელი გოგონას ბიძის ოჯახში, სადაც თავად ეს გოგონა მივიდა სტუმრად, არავის არ აღმოაჩნდა არაფერი. მამაჩემს კი, რომელიც იქ საერთოდ არ ყოფილა, სიფრთხილის დაცვის მიზნით გაიქცა ექიმთან, უთხრეს რომ ტესტირებამ დადებითი პასუხი აჩვენა. თუმცა დაგვავალეს, რომ შინ ვიყოთ 12 დღის განმავლობში. კარგი, ბატონო, ვემორჩილებით კანონს, თუმცა 12 დღეში კი არა, უფრო ადრე რომ ბანკის ვალი გადასახდელი მაქვ ს 20 სექტემბერს, რა ვქნა, ვინ მოგვხედავს? მეც და ჩემს ძმასაც? გარდა ამისა, რომ გამოგვაჭენეს მთელ საქართველოში, მაინტერესებს, ეს არ არის ადამიანის უფლების დარღვევა? ვინმე გამოაცხადეს ასე პირდაპირ სახელით და გვარით, სახის ჩვენებით? მით უფრო, მამაცემს, 62 წლის კაცს არც სიცხე აქვს, არც არაფერი აწუხებს, ბევრ ახალგაზრდას სჯობს შესაძლებლობით, რას ერჩიან? ან რა ხელსაწყო ჩამოიტანეს გურიაში ასეთი, რომ ასე უცებ ადგენს კორონა გვჭირს თუ არა? კაცი გვესაუბრება საავადმყოფოდან, გვერდები მეტკინა ტყუილა კოტრიალისგან, რა კორონა, რის სიცხე, ძალად ავადმყოფი თუ შეიძლება იყოს კაცი, ეს მე ვარო, გვეუბნება. მოკლედ, კი ბატონო, ვრჩებით კარანტინში, მაგრამ რა ვქნათ? 20 სექტემბერს ბანკში სესხები გვაქვს გადასახდელი, არ იფიქროს ახლა ვინმემ, მთავრობას ვთხოვდე მოწყალებას. მე ჩემი სამუსაო მაქვს და თავს და ოჯახს ვხედავ – გვითხრა ქეთევან ხმშიაშვილმა, რომელიც ოზურგეთში მუშაობს, ინდმეწარმეა.
ჩვენ ქეთევანს ვკითხეთ ასევე, ბათუმის ქორწილის თაობაზე თუ ფლობდა განსხვავებულ ინფორმაციას.
_ბათუმის ქორწილის თაობაზეც აბურდულ-დაბურდული ინფორმაციაა გავრცელებული, გაეცინება კაცს. იმ ქორწილში კი იყო მამაჩემი, მაგრამ იქ არ ყოფილა ის ქვენობნელი გოგონა. ქორწილში მხოლოდ „დონას“ ტორტი მიიტანეს. ასევე ის გოგონა „დონაში“ იყო ქორწილის მეორე დღეს. ნამცხვარი ჭამა თუ რა ქნა არ ვიცი. მერე იყო ასკანაში. სიცხე რაკი ჰქონია, შეშინებია და მაშინვე წასულა გამოსაკვლევად. ახლა დანარჩენი თქვენ გამოიცანით, აქ რა კავშირები უნდა იყოს. კი ბატონო, უთხრეს კაცს, კორონა გჭირს გინდა თუ არაო, იყოს, არ ვეურჩებით არავის, მაგრამ ვიღაცამ ხომ უნდა იკითხოს ამბავი? ან რა დამოკიდებულებაა, მთელ საქართველოში, რომ მხოლოდ ჩვენი ოჯახი ააფრიალეს გურიიდან? კიდევ ერთხელ ვსვამ კითხვას, სადმე, რომელიმე რეგიონში იყო ისეთი გამოვლინება კორონავირუსის მქონე ადამიანისა, ვინც ასე ღიად აჩვენეს და დაასახელეს? თუ გურიის მიმართ სხვა მიდგომაა? _ გვითხრა ქეთევან ხიმშიაშვილმა.
გურია ნიუსი“ თემაზე მუშაობს და მალე შემოგთავაზებთ გაგრძელებას. მასალას ამ თემაზე.
