„გურიამ“ რუსეთიდან ფორვარდი დაიმატა

საფეხბურთო კლუბ ლანჩხუთის „გურიას“ შემადგენლობას 24 წლის ფორვარდი, ალექსანდრე ვერულიძე შეემატა.

„გურიას“ ახალწვეული ვლადიკავკაზში დაიბადა და ვარჯიში „ალანიას“ სკოლაში დაიწყო. იგი თამაშობდა მოსკოვის „სტალიცაში“, ტიხორეცკის „ტრუდში“, ვლადიკავკაზის „ბარსში“, „სკა-ხაბაროვსკში“, ვორონეჟის „ფაკელსა“ და ვოლგოგრადის „როტორში“.

ცნობისთვის,  ალექსანდრე ვერულიძის მამა, ლაშა ვერულიძე რუსეთში ცნობილი მსაჯია.