ევროპა COVID-19-ის მკვეთრი ზრდის შეჩერებას ცდილობს, სხვადასხვა ქვეყანაში კორონავირუსთან დაკავშირებით შეზღუდვები მკაცრდება, _ ამის შესახებ BBC წერს.
რა ხდება ჩეხეთში?
გამოცემის ინფორმაციით, ჩეხეთში, 3 ნოემბრამდე დაიხურა სკოლები, ბარები და კლუბები, რესტორნები კი 20:00 საათამდე იმუშავებს. დროებით იკეტება უნივერსიტეტის საერთო საცხოვრებელიც და სკოლებში სწავლა დისტანციურ რეჟიმში გაგრძელდება. სპეციალური უზრუნველყოფას დაექვემდებარება კრიტიკული მედიცინის მუშაკთა შვილები.
სავალდებულო გახდა, პირბადეების ტარება. ნიღბები, როგორც მაღაზიებში და საზოგადოებრივ ტრანსპორტში, ასევე, ტრამვაის გაჩერებებზე და მატარებლის ბაქნებზეც, ასევე, იკრძალება დახურულ და ღია სივრცეში 6 ადამიანზე მეტი პირის თავშეყრა.
როგორც BBC წერს, ჩეხეთში, რაც ქვეყანაში ინფექცია პირველად დადასტურდა, მას შემდეგ Covid-19-ით დაიღუპა 1106 ადამიანი. ორ დღეში ორჯერ მეტი სიკვდილიანობა დაფიქსირდა, ორშაბათს და ოთხშაბათს _ 55 ადამიანი, ხოლო კორონავირუსით ინფიცირების 8000-ზე მეტი ახალი შემთხვევა დაფიქსირდა.
13 ოქტომბრის, ევროკავშირის დაავადებათა პრევენციისა და კონტროლის ევროპული ცენტრი (ECDC) ანგარიშის მიხედვით, ჩეხეთის რესპუბლიკაში ბოლო 14 დღის განმავლობაში კორონავირუსის დადასტურებულია 55,538 – შეთხვევაა, რაც მეზობელი გერმანიაში დაფიქსირებულ შემთხვევებს აჭარბებს, რომლის მოსახლეობა ჩეხეთზე 8-ჯერ მეტია და სადაც აღნიშნულ პერიოდში, COVID-19-ის 42,032 შემთხვევა დადასტურდა.
რა ხდება ნიდერლადებში?
BBC -ის ინფორმაციით, კორონავირუსის შემთხვევების ზრდის გამო, ქვეყანაში ოთხკვირიანი ნაწილობრივი კარანტინი ცხადდება. რომლის მიხედვით, ღამით იკეტება ბარები, რესტორნები, ტერასები და კანაფის კაფეები. სასურსათო მაღაზიებს კი, აეკრძალათ, ალკოჰოლის გაყიდვა 20:00 საათის შემდეგ.
”ეს მტკივა, მაგრამ ეს ერთადერთი გზაა, ჩვენ უნდა ვიყოთ უფრო მკაცრები”, _ განაცხადა ნიდერლანდების პრემიერ-მინისტრმა მარკ რუტამ.
გამოცემის ინფორმაციით, სკოლების საქმიანობაში არანაირი ცვლილება არ შესულა. ქვეყნის მთავრობა ხალხს მოუწოდებს, რომ იმუშაონ სახლიდან და გამოიყენონ საზოგადოებრივი ტრანსპორტი მხოლოდ აუცილებელი შემთხვევის დროს.
იტალია
ქვეყანაში ახალი განკარგულება გამოიცა, იტალიის მთავრობის გადაწვეტილებით, აიკრძალა სასკოლო ექსკურსიები და სამოყვარულო სპორტი, როგორიც არის ფეხბურთის პარკში თამაში. ასევე აკრძალულია წვეულებებიც.
როგორც BBC წერს, იტალიის მთავრობამ, მოსახლეობას კატეგორიულად მოუწოდა, რომ სტუმრად მისული ადამიანების დასაშვები რაოდენობა 6 ადამიანამდე შეზღუდონ.
საფრანგეთი
ქვეყანაში იგეგმება დამატებითი შეზღუდვების დაწესება, რომელიც დღეს დაგეგმილი, პრეზიდენტი ემანულ მაკრონის სატელევიზიო მიმართვისას გახდება ცნობილი.
ადგილობრივი მედიის ინფორმაციით, იმ ქალაქებში, სადაც კორონვირუსი განსაკუთრებით სწრაფად ვრცელდება, მათ შორის დედაქალაქ პარიზში, საღამოს საათებში ე.წ. ,,კომენდატის საათის“ დაწესება იგეგმება.
