ჩოხატაურში 1 საბავშვო ბაღის მასწავლებელს კორონავირუსი დაუდასტურდა, _ აღნიშნულის შესახებ ბაღის მასწავლებელმა ფეისბუქის საკუთარ გვერდზე დაწერა.
„გავუფრთხილდეთ ერთმანეთის ჯანმრთელობას, ნუ დავმალავთ სიმპტომებს, ნუ ვივლით სიცხიანები მაღაზიებში, ბაზრობებში, სალონებში და სხვადასხვა საზოგადოებრივ თავშეყრის ადგილებში. გაითვალისწინეთ რომ შეიძლება თქვენი გაუფრთხილებლობით სხვას ზიანი მიაყენოთ და უნებურად დააავადოთ. ერთ-ერთი მე აღმოვჩნდი, რომელმაც იზოლაციაში 17 დღე გავატარე სრული წესების დაცვით, გამოვედი, პირბადე არ მომიხსნია, არც ბევრ ადგილებში მივლია და ერთ კვირაში უკვე ინფიცირებული გავხდი. არავინ იცის, შემდეგი ვინ იქნება. ამიტომ გამოიჩინეთ მეტი სიფრთხილე და დაიცავით ერთმანეთი. ყველას ჯანმრთელობას გისურვებთ, _ წერს პედაგოგი.
ჩვენთან საუბრისას ჩოხატაურის საბავშვო ბაღების გაერთიანების დირექტორის მოადგილე, მარინა ცინცაძე ამბობს, რომ კორონავირუსით ინფიცირებულთა რიცხვში არიან:
„ინფიცირებულია სამების საბავშვო ბაღის გამგე, ამავე ბაღის პედაგოგიც ინფიცირებული იყო, ვანზომლეთის საბავშვო ბაღში მუსიკის მასწავლებლის გარდა ყველა მასწავლებელი დაინფიცირდა. ტაძარში იმყოფებოდნენ ისინი და ვფიქრობ იქედან მოხდა მაგათი დაინფიცირება. ზოგადად მაშინ ბევრი დაინფიცირდა. ქვედა პირველ ბაგა ბაღში პედაგოგია ერთი დაინფიცირებული. ბუკნარის საბავშვო ბაღის გამგე ქობულეთშია გადაყვანილი“.
ცნობისთვის, შექმნილი ეპიდვითარების გამო ჩოხატაურის ბაღებში სააღმზრდელო პროცესი შეჩერებულია.
