2X2=4 _ წერს სოციალურ ქსელში ლანჩხუთელი ჟურნალისტი მამუკა ქანთარია. საქმე კი ისაა, რომ იგივე სოციალური ქსელის საშუალებით ზოგიერთ მომხმარებელს კითხვები გაუჩნდათ, თუ სად წავიდა ის130 ათასი ლარი, რაც ადგილობრივი ბიუჯეტიდან ლანჩხუთის ქალთა საფეხბურთო კლუბს ერგო, ამ დროს კი ფეხბურთელები გაუცემელ ხელფასებსა და პირობების არ ქონაზე საუბრობენ. როგორც მათ გაკეთებულ კომენტარებში ვკითხულობთ, კლუბის საქმიანობა აუდიტმა უნდა შეისწავლოს. სწორედ კლუბის ამ კატეგორიის გულშემატკივრების საპასუხოდ აკეთებს განმარტებებს მამუკა ქანთარია.
“ცოტა სამარცხვინო ამბავი ხდება, კითხვები უნდა დაისვას, მაგრამ ვიღაცას რომ გადავეფაროთ, ხელს სხვისკენ ნუ ვიშვერთ!!!
თან გადასაფარებელი არაფერი აქვს მერია/საკრებულოს, პირიქით, მადლობა ეკუთვნის: უფულო მუნიციპალიტეტი ყველაზე მეტს _ 130 000 ლარს იღებს ქალთა ფეხბურთისთვის!
ხელს ვისკენ ვიშვერთ? დურმიშხან ჩხაიძისკენ? მაშინ სად ვიყავით, სახლში რომ ჰყავდა და მარტო ინახავდა მთელ გუნდს? ეს რომ არ ექნა, დღეს ვერც ვიამაყებდით და ვერც მილოცვებში გავეჯიბრებოდით ერთმანეთს!
ან რა შევუმოწმოთ, რომ არ ყოფნის, როგორ ჰყავს მთელი ქვეყნის საამაყო გუნდი?
სინამდვილეში მარტივია:
წლიური 130 000 ლარი არის თვეში 11 833 ლარი. თუ საშემოსავლოს გამოვაკლებთ, ეგაა 8600 ლარი… 20 ფეხბურთელია, პლუს მწვრთნელები/პერსონალი, ადმინისტრაცია… ხელფასში არ ეყოფა ეგ თანხა. რატომაა აუღებელი ხელფასი? ამ ფულიდან ხარჯებია გაწეული (ტრანსპორტი, კვება და ა. შ.) და ბოლოში დააკლდა. ეგაა სულ…
ჰო, ისე, ზოგ ფეხბურთელს 1000 ლარზე მეტიც აქვს ხელფასი. ჩემპიონი გუნდია, მერე რა, რომ ქალები არიან…
ახლა მენეჯმენტზე თუ გვაქვს პრეტენზია, კი, ბატონო, 130 000 გვეყოფოდა, ოღონდ დღეს ჩემპიონთა ლიგის დასკვნით ეტაპზე ვერ ვიქნებოდით…
გაუგებარია რამე?
პ.ს. პოსტი ნამდვილ გულშემატკივრებს არ ეხებათ, კითხვა რომ დაისვა და მერე უცებ “დაფაცურდნენ”, იმათზეა... _ “წერს ქანთარია.
მამუკა ქანთარიას ამ პოსტს არაერთი გამოხმაურებს მოჰყვა იმ ლანჩხუთელთა მხრიდან, რომელთაც უკვირთ, თუ რა ანგარიშს ითხოვენ კლუბის ხელმღვანელობის მხრიდან ფულის განკარგვასთან დაკავშირებით.
“ცოტა მიკვირს, ვინ რა ანგარიშს სთხოვს ამ გოგოებისთვის განკუთვნილ ბიუჯეტს. აი, როგორ აგიხსნათ ახლა, ეს იგივეა, რაც ამათმა გააკეთეს, დაახლოებით, ჩვენი ნაკრები რომ გასულიყო ევროპის ჩემპიონატზე, თუ რადგან ქალებია, არგვინდა და ამიტომ ვანგარიშობთ მათ კაპიკებს. დაანგარიშება კი არა, პირიქით, დავუმატოთ და მაქსიმალურად გავუზარდოთ დაფინანსება. ჯერ მარტო ის წინადადება რად ღირს მთლიან ქვეყანაში და ევროპაში ლანჩხუთის სახელი არ სცილდება არცერთ საინფორმაციო და ინტერნეტ სივრცეს. მარტო ამ პიარისთვის უნდა მივცეთ მაქსიმუმი, შედეგებზე მერე ვისაუბროთ”, _ წერს ლანჩხუთელი დანიელ ჟორდანია.
საკუთარ პოზიციას აფიქსირებს ზემონახსენებ საკითხთთან დაკავშირებით კიდევ ერთი ლანჩხუთელი ჟურნალისტი თორნიკე ჯიჯიეშვილი.
“სულაც 10 833 ლარი გამოვიყვანე თვეში. სინდისი აქვთ?: ,,იცით რა? _ მერიამ გამოყო 130 000 ლარი, მაგრამ სად წავიდა? იქნებ გამოვიძიოთ?! ვაი, მაგათ პატრონს, მართლა უნდა უჩივლოს დურუმ და სხვებმა მაგისთვის. მადლობის მაგიერია, კი!”
ის ეჭვები ფულის ხარჯვასთან დაკავშირებით, რაც ზოგიერთთა მხრიდან გაჟღერდა კლუბის ხელმძღვანელობის მისამართით, სირცხვილად მიაჩნია საფეხბურთო სფეროსთან დაახლოებულ ჟურნალუსტს გოჩა ჯანაშიასაც.
“სირცხვილია იმ ფონზე, რაც ამ გოგონებმა გვაჩუქეს. ცოტა მოეთმინათ მაინც, მაგრამ ვერ მოითმინეს ის, რაც ტელევიზიებში კრიტიკა გაისმა ადგილობრივი ხელისუფლების მიმართ. თან ისეთები დემაგოგობენ, აზრზე რომ არ არიან, მაგრამ ამ ქაჯობას რა ვუთხარი, სხვაგვარად ჯოხი ვისზე უნდა გადაეტეხათ?! მართლა სირცხვილია ამხელა ბრალის დადება ადამიანზე ასე ხელაღებით, მაგრამ სამშობლოს გამყიდველობის ბრალდებაც როგორ იოლად შეუძლიათ, ისიც ვნახეთ არაერთხელ.
ეს ყველას გამარჯვებაა, ყველას სიხარულია, მაგრამ გაცლის ვინმე?! ეს ვითომ პატრიოტები და ვითომ სუფთა ადამიანები (ყველა არა, რა თქმა უნდა), ძალიან ბევრს იღებენ საკუთარ თავზე და გასდით კიდევაც, მაგრამ ვინ არიან საერთოდ, რა გაუკეთებიათ, რას წარმოადგენენ, თუ ვაზელინგაპოხილების დოღია უბრალოდ?!” _ წერს ჯანაშია.
