“შენ არ ჩაისვარო და რაც გინდა ილაპარაკე-ხსნილია” _ უგულავა ელისაშვილს

როგორც ცნობილი გახდა პოლიტიკოსი ალეკო ელისაშვილი პარლამენტის სხდომებს დაესწრება.

“განსაკუთრებით თავგამოდებულები იყვნენ ბოკერიას პარტიაში, არიქა, ელისაშვილი შევიდა პარლამენტში, ფული აიღოო. ორი პრინციპი მაქვს, რითაც პოლიტიკაში რაღაცებს ვაკეთებ. ყოველთვის გავაკეთებ იმას, რასაც სინდისი და ქვეყნის ინტერესი მკარნახობს. ხელფასის იქით არც ერთი თეთრი არასდროს მიმიღია. ვერ წარმომიდგენია ადამიანი, რომელიც მოვა და ფულზე დამიწყებს საუბარს, ცოცხალი ვერ გამასწრებს. ეს ყველამ კარგად იცის.

მოლაპარაკებებს რაც შეეხება, ელჩები გვეუბნებიან, მოდით, პროცესს ნუ დააზიანებთ, გარეთ თუ გავა ის, რაზეც აქ ვსაუბრობთ, პროცესი დაზიანდება და შეთანხმებამდე ვერ მივალთო, ეს ძალიან მარტივია. იქ რაღაც თანამდებობებს და ფულს კი არ ვითხოვთ. მე რომ სიტყვას ვაძლევ, მისი ერთგული ვარ, განსხვავებით სხვა პარტიებისგან. ბოკერიას პარტია დადის იმ შეხვედრებზე მხოლოდ იმიტომ, რომ გარეთ გამოიტანოს დეტალები, ილაპარაკოს, აურიოს ყველაფერი, საბოტაჟით არიან დაკავებულები, რომ ჩაშალონ ყველაფერი, რადგან ვერ მოხვდნენ პარლამენტში ბოკერია და უგულავა. ამიტომ უნდათ, ყველაფერი არიონ. თავი მოეჭრათ ერთს ზუგდიდში, მეორეს ფოთში. წავიდა ნიკო ნიკოლაძესავით ბოკერია და 6% აიღო ფოთში, რა ეგონა, რას იზამდა. ახლა უნდათ, ყველაფერი აურიონ და ჩაშალონ. მე არ მინდა, ჩავშალო,” – თქვა ფეისბუქლაივში ალეკო ელისაშვილმა.

სოციალურ ქსელში ალეკო ელისაშვილს გამოეხმარა გიგი უგულავა:

“შენ არ ჩაისვარო, მეგობარო და არ შეხვიდე პარლამენტში და რაც გინდა ილაპარაკე-ხსნილია“, – წერს უგულავა.

წყარო: rustavi2.ge