პრემიერ-მინისტრმა გურიის გუბერნატორის პოსტზე გიორგი სახოკია დანიშნა.
ცნობისთვის, სახოკია დღემდე საქართველოს მთავრობის ადმინისტრაციის უფროსის მოადგილე იყო. 2014 წლიდან გიორგი სახოკია მუშაობდა შინაგან საქმეთა სამინისტროში სხვადასხვა თანამდებობაზე, მათ შორის – იყო ადმინისტრაციის უფროსი, ადმინისტრაციის უფროსის მოადგილე, საჯარო ინფორმაციის სამმართველოს უფროსი. 2013-2014 წლებში საქართველოს იუსტიციის სამინისტროს სერვისების განვითარების სააგენტოში შიდა აუდიტის სამსახურს ხელმძღვანელობდა. აქვს კერძო სექტორში, ასევე არაერთ საერთაშორისო პროექტში, მათ შორის მმართველ პოზიციაზე მუშაობის გამოცდილება. გიორგი სახოკია პროფესიით სამართალმცოდნეა, განათლება მიღებული აქვს ივანე ჯავახიშვილის სახელობის სახელმწიფო უნივერსიტეტში, ასევე, არის არაერთი საერთაშორისო პროგრამის მონაწილე.
ქონებრივი დეკლარაციის მიხედვით, გიორგი სახოკიას ჰყავს მეუღლე და 2 შვილი. ასევე, დედა.
2009 წელს მემკვიდრეობით ერგო არასაცხოვრებელი ფართი, რომელიც თბილისში, იპოლიტე ხვიჩიას 36-ში მდებარეობს და მისი ფართობი 133, 21 კვ.მ.
დეკლარაციის მიხედვით, სახოკია ფლობს მოტოსატრანსპორტო საშუალებას Harley Davidson Vrsc-ს, რომელიც 2017 წელს შეიძინა და მისი ღირებულება 6 500 დოლარია. ხოლო მისი მეუღლის, სალომე დეკანოსიძის 2017 წელს სახელზეა შეძენილი მსუბუქი ავტომობილი Honda Civic, რომელშიც 7 500 დოლარია გადახდილი.
დეკლარაციის შევსების პერიოდში გიორგი სახოკიას საქართველოს ბანკში არსებულ სახელფასო ანგარიშზე 3798,91 GEL ირიცხებოდა.
სალომე დეკანოსიძე “თი–ბი–სი ბანკი” სახელფასო ანგარიშზე 574,29 GEL ლარი,
გიორგი სახოკია საქართველოს შინაგან საქმეთა სამინისტრო საჯარო ინფორმაციის სამმართველოს უფროსი იყო 2018 წლის 1 -ლი იანვრიდან, 2018 წლის 16 თებერვლამდე. შემოსავალი (ხელზე აღებული თანხა) შეადგენს 5287,31 GEL-ს.
სალომე დეკანოსიძე ინფრასტრუქტურის მშენებელთა ასოციაციის წევრებთან ურთიერთობის მენეჯერი იყო და 01.01.2018 წლიდან 31.12.2018-მდე სამუშაოს შესრულების შედეგად მიღებული თანხა 35746,15 ლარია
გიორგი სახოკია საქართველოს შინაგან საქმეთა სამინისტროს ადმინისტრაციის (დეპარტამენტი) უფროსად დაინიშნა 2018 წლის 16 თებერვალს და 2018 წლის 31 დეკემბრამდე 48330,74 ლარი აქვს აღებული.
რაც შეეხება 2018 წლის პირველი იანვრიდან 31 დეკემბრის ჩათვლით დადებული ან/და მოქმედი ხელშეკრულება (გარდა მიღებული საჩუქრისა), რომლის საგნის ღირებულება აღემატება 10 000 ლარს (მათ შორის წილის მინდობის ხელშეკრულება ღირებულების მიუხედავად) გიორგი სახოკიას სამომხმარებლო სესხი 6220 GEL უფიქსირდებოდა საქართველოს ბანკში 2018 წლის 19 მარტიდან 2020 წლის 2 მარტამდე, ასევე გიორგი სახოკიას 2017 წლის 28 ივლისს ჰქონდა აღებული სესხი ისევ საქართველოს ბანკში 15 200 ლარის ოდენობით, რომელიც 2021 წლის 1-ელ თებერვლამდე გაგრძელდა.
გარდა ამისა, გიორგი სახოკიას სახელზე ფიქსირდება საკრედიტო ბარათი, საკრედიტო ბარათი, 3600, GEL 01.07.2018-01.07.2022 პერიოდში, გარდა ამისა, სახოკიას ჰქონდა სამომხმარებლო სესხი, 25 510, ლარი 25.09.2018-01.10.2020 პერიოდში.
რაც შეეხება მის მეუღლეს, სალომე დეკანოსიძეს ბაზისბანკში სამომხმარებლო სესხი ჰქონდა 10 000 ლარის ოდენობით 29.09.2017-29.09.2020-მდე პერიოდში, გარდა ამისა, სარგებლობს 3 600 ლარიანი საკრედიტო ბარათით, რომლის ვადაც 01.07.2018-01.07.2022-მდე პერიოდს მოიცავს.
გიორგი სახოკია 2019 წლის 20 აგვისტოდან 2019 წლის 24 სექტემბრამდე მუშაობდა საქართველოს მთავრობის ადმინისტრაციაში, აპარატის უფროსის მოადგილედ და ხელფასის სახით აიღო 6 533 ლარი; 2019 წლის 25 სექტემბრიდან 2019 წლის 31 დეკემბრამდე ის იყო საქართველოს მთავრობის ადმინისტრაციის უფროსი. ამ ხნის გამნავლობაში მან ხელფასის სახით 14 618 ლარი მიიღო.
