სენაკში მომხდარი ავტოსაგზაო შემთხვევისას დაშავებულთაგან ერთ-ერთი ცოტა ხნის წინ გარდაიცვალა.
ინფორმაცია “გურია ნიუსს” გარდაცვლილი მამაკაცის, ნუგზარ ხურციას ახლობელმა დაუდასტურა.
რაც შეეხება სხვა დაშავებულებს, მათი ჯანმრთელობის მდგომარეობა სტაბილურია.
შეგახსენებთ , ავტოსაგზაო შემთხვევა სენაკში, ჭავჭავაძის ქუჩაზე, დღეს მოხდა . ერთმანეთს ორი ავტომობილი შეეჯახა, რა დროსაც ხუთი ადამიანი დაშავდა.
შსს-მ გამოძიება სსკ-ის 276-ე მუხლით დაიწყო.
