მოძრაობა „რიონის ხეობის გადარჩენისთვის“ აქტივისტი ლაშა ქუთათელაძე წუხელ ღამით დააკავეს. ამის შესახებ ინფორმაციას ,,მთავარი არხი“ ავრცელებს.
როგორც არხის ვებგვერდზე წერია, ლაშა ქუთათელაძე წყალტუბოდან ნამოხვანში ბრუნდებოდა, რა დროსაც ის პოლიციამ გააჩერა და უთხრა, რომ გზის ამ მონაკვეთზე გადაადგილების უფლება არ ჰქონდა.
ლაშა ქუთათელაძე და მასთან ერთად მყოფი კიდევ ორი პირი თავდაპირველად ოფურჩხეთის პოლიციის განყოფილებაში გადაიყვანეს, საიდანაც მისი თანმხლები პირები გაფრთხილებით გაუშვეს, ქუთათელაძე კი პოლიციის მოთხოვნისადმი დაუმორჩილებლობის მუხლით, ადმინისტრაციული სამართალდარღვევით დააკავეს.
რიონის ხეობაში აქტივისტი იმერეთის სამხარეო პოლიციის დეპარტამენტში იმყოფება
დაკავებულის ინტერესებს “საია” იცავს.
რიონის ხეობაში კი ნამოხვანჰესის მოწინააღმდეგეებმა კარვებში უკვე 167-ე ღამე გაათიეს.
