ფეისბუქგვერდზე Bakhmaro • ბახმარო გავრცელდა ვიდეო, რომელშიც ასახულია დაბა ბახმაროში, რეკრიაციულ ზონაში უკანონოდ აშენებული სახლები.
“ეს ვიდეო იმ ხალხისთვისაა, ვინც ჯერ კიდევ იმ აზრზეა, რომ -“დიდი ამბავი გაჭირვებულმა სახლი თუ აიშენა”, იგულისხმება უნებართვოდ! ეს ყველა კოტეჯი ერთ წელიწადში ტყის რეკრიაციულ ზონაში, სადაც ჯერ სახლი არ ყოფილა და არავის აქვს უფლება! მთელი ბახმაროს ტერიტორიაზე ასობით ასეთი სახლია ერთ წელში აშენებული!
გარემოსდაცვითი ზედამხედველობის დეპარტამენტი, ჩოხატაურის მუნიციპალიტეტის მერია მაინტერესებს- ეს მხოლოდ ერთ უბანში ხდება, სხვაგან უარესია და ეს თქვენ არ იცით? და მე, საბუთის მქონე ადამიანმა რომ გასარემონტებლად კაფელი ამოვიტანო საბუთის გარეშე, დავჯარიმდები?
იმიტომ, რომ თქვენი მასალები გაასაღოთ? არასდროს ასეთი მასშტაბით არ მომხდარა მონოპოლიზაცია ბახმაროში მასალებზე და ადგილების მიტაცება, როგორც ახლა ხდება! ბატონო ვასილ ჩიგოგიძე / Vasil Chigogidze იქნებ პასუხი გაეცეს ბახმაროს პრობლემას!“ _ წერს იზო მდინარაძე.
დაბა ბახმაროს დამსვენებელი გიგი მახარაძე უკანონო მშენებლობასთან დაკავშირებით წერს:
“ეს ხდება ბახმაროში. მთავრობის შარშანდელმა უპასუხისმგებლო გადაწყვეტილებამ გომისმთასთან დაკავშირებით გამოიწვია უკანონო მშენებლობების ქაოსის გადასვლა ბახმაროშიც. მარტო შარშანდელი შემოდგომიდან დღემდე ასეულობით „კოტეჯია“ სახელდახელოდ ჩადგმული.“
“გურია ნიუსი“ ჩოხატაურის მუნიციპალიტეტის ზედამხედველობის სამსახურის უფროსს ვლადიმერ ლომთათიძეს დაუკავშირდა, რომელმაც უკანონო მშენებლობასთან დაკავშირებით შემდეგ კომენტარი გააკეთა.
_ ბახმარო სრულად არის რეკრეაციული ზონა. ბახმაროში სახელმწიფო ზონაშიც შენდება სახლები და დაურიგისტრირებელ მიწებზე. შესაბამისად, ჩოხატაურის ზედამხვედველების სამსახურს გვაქვს შესაბამისი ღონისძიებები.
_ იქნებ გვითხრათ, კონკრეტულად რა ღონისძიებები გაატარეთ ამ საკითხის მოსაგვარებლად?
_ ყველა ასეთ აშენებულ სახლზე არის შესაბამისი რეაგირება მიღებული. არის სახლები, რომლის მეპატრონეები დადგენილი გვყავს და შესაბამისად, დაჯარიმებული არიან. ასევე არიან ისეთი აშენებული სახლები, რომლის მეპატრონეები, ვერ დავადგინეთ და მაგათ სახლებთან გამოტანილია დემონტაჟები.
_ დაახლოებით, რამდენ სახლზე მოხდა რეაგირება?
_ 2020-2021 წელს 470 სახლზე გვაქვს რეაგირება გაკეთებული, დანომრილი გვაქვს სახლები და გრძელდება მოკვლევა კიდევ.
აქედან 50 სახლის მეპატრონე გვყავს დაჯარიმებული და 300-ზე მეტ სახლზე გამოტანილია დემონტაჟი დადგინილების სახით და გადაგზავნილი გვაქვს მერთან შემდეგი რეაგირებისთვის.
_ თქვენი აზრით, რატომ არის უკანონო მშენებლობების ბუმი ბახმაროში? ზუსტად მსგავსი სიტუაცია იყო 2019-2020 წელს დაბა გომისმთაზე…
_ ჩემი შეხედულება თუ გაინტერესებს შესაძლებელია ეს გამოიწვია გომისმთაზე დაწყებულმა უკანონო მშენებლობამ. გომისმთიდან გადმოვიდა ეს ბახმაროში.
_ 2020 წლამდე არ მიდიოდა ბახმაროში უკანონო მშენებლობები?
_ იყო, მაგრამ იყო თითო-ოროლა. მაქსიმუმ 20-25 სახლი თუ შენდებოდა უკანონო და ჩვენი სამსახური შესაბამისად იქცეოდა, _ გვითხრა ვლადიმერ სიხარულიძემ.
[sexy_author_bio]
