თუ მაქსიმალურად ავიცრებით ოქტომბერ- ნოემბერში, მეხუთე ტალღა იქნება მსუბუქი – ამბობს დაავადებათა კონტროლის ეროვნული ცენტრის ხელმძღვანელი ამირან გამყრელიძე, რომელიც დღეს კახეთში, სოფელ ყარაჯალაში იმყოფებოდა და ადგილზე გაეცნო არსებულ ეპიდვითარებასა და იმუნიზაციის პროცესს.
გამყრელიძის თქმით, ქვეყანაში ვაქცინების საკმარისი რაოდენობაა და მომავალი სამი თვე ინტენსიური აცრები უნდა იყოს იმისთვის, რომ მეხუთე ტალღა, არ იყოს ისეთი მძიმე, როგორც მეოთხე.
მომავალი სამი თვე უნდა იყოს ინტენსიური. ვაქცინების მარაგი ქვეყანაში საკმარისი გაქვს, ამიტომ ვთავაზობთ ადამიანებს ავიცრათ, აცრის გარეშე ამ ეპიდემიას ვერ დავასრულებთ – ამბობს გამყრელიძე.
გამყრელიძე იმედოვნებს, რომ რთველის დასრულების შემდეგ კახეთში აცრების პროცესი გააქტიურდება.
“გვპირდებიან ყველა შეხვედრაზე, რომ რთველის დასრულების შემდგ, აცრის პროცესი უფრო გააქტიურდება”, _ ამბობს გამყრელიძე.
