“აცრა რომ გაეკეთებინა, იცოცხლებდა” _ კორონავირუსის კიდევ ერთი მსხვერპლი ჩოხატაურში

გუშინ, ჩოხატაურში, კორონავირუსით კიდევ ერთი მამაკაცი გარდაიცვალა.

გარდაცვლილი 65 წლის მამაკაცია. როგორც “გურია ნიუსთან” გარდაცვლილის ახლობლები საუბრობენ, კორონავირუსის ინფექცია 2 დღის წინ დაუდასტურდა და გართულებული მდგომარეობით ბათუმის ერთ-ერთ კლინიკაში იყო მოთავსებული.

“წინა დღეს წაიყვანეს ბათუმში, წუხელ კი ჩამოასვენეს. აცრა რომ გაეკეთებინა, ასე არ გაურთულდებოდა და იცოცხლებდა”, _ ამბობენ ისინი “გურია ნიუსთან”.

მათივე თქმით, უბანში, სადაც გარდაცვლილი მამაკაცი ცხოვრობს, ძალიან ბევრი ინფიცირებულია.