“დაპატიმრებული საქართველოს ყოფილი პრეზიდენტი ყოველდღე სუსტდება”,_ ამ სათაურით აქვეყნებს euronews სააკაშვილის შესახებ სტატიას. სტატიაში აღნიშნულია, რომ სააკაშვილის ჯანმრთელობის შესახებ განცხადება უკარინის სახალხო დამცველმა ლუდმილა დენისოვამ გააკეთა.
როგორც გამოცემა წერს, სააკაშვილი 1-ლი ოქტომბრიდან შიმშილობს და მისი სასიცოცხლო ნიშნები ყოველდღიურად მცირდება.
სააკაშვილი და მისი გუნდი ითხოვს, რომ კერძო კლინიკაში გადაიყვანონ, მაგრამ ხელისუფლების თქმით, გადაყვანა მხოლოდ ციხის საავადმყოფოშია შესაძლებელი.
საქართველოს სახალხო დამცველის განცხადებით, აღნიშნული საავადმყოფო არ არის აღჭურვილი სასწრაფო სამედიცინო დახმარების გასაწევად.
უკრაინის სახალხო დამცველმა ყოფილი ლიდერის მონახულების შემდეგ რუსთავის სასჯელაღსრულების დაწესებულების კართან ჟურნალისტებს განუცხადა, რომ “მან უარი თქვა ციხის საავადმყოფოში გადაყვანაზე, რადგან ფიქრობს, რომ მის სიცოცხლეს საფრთხე ემუქრება პატიმრებისგან, რომლებიც იქ იხდიან სასჯელს”.
ემიგრაციაში რვაწლიანი ცხოვრების შემდეგ სააკაშვილი დაბრუნდა საქართველოში მუნიციპალური არჩევნების წინ, თავისი მხარდამჭერების გასახარებლად, მაგრამ მას შემდეგ, რაც ატვირთა ვიდეო სოციალურ ქსელში, სადაც ჩანს, რომ ის საქართველოს ტერიტორიაზე იმყოფებოდა, დააკავეს.
სააკაშვილს 9 წლით თავისუფლების აღკვეთა 2018 წელს დაუსწრებლად მიუსაჯეს. მას ბრალად ედება უფლებამოსილების ბოროტად გამოყენება. შსს-ს ყოფილი ჩინოვნიკების შეწყალება, რომელიც ძებნილი იყო მკვლელობისთვის და ოპოზიციონერ დეპუტატზე თავდასხმის ორგანიზება.
სააკაშვილი ბრალდებებს უარყოფს და პოლიტიკურად მოტივირებულს უწოდებს.
„როგორც სააკაშვილმა მითხრა, მისი სიცოცხლე კითხვის ნიშნის ქვეშ დგას. ის თავს პუტინის ტყვედ თვლის და თქვა, რომ ყველაზე მეტად არ სურს უკრაინას ზიანი მიაყენოს და საქართველოში სისხლისღვრა გამოიწვიოს. ამიტომ ყველაფერს გააკეთებდა ამის თავიდან ასაცილებლად“,_ თქვა დენისოვამ.
