2022 წლიდან საქართველოს განათლებისა და მეცნიერების სამინისტროს პრაქტიკოს მასწავლებლებთან დაკავშირებით ცვლილებები შეაქვს მასწავლებლის პროფესიული განვითარების სქემაში.
ცვლილებების თანახმად, საქართველოს მთავრობის 2019 წლის 23 მაისის N241-ე დადგენილების შესაბამისად, იმ პრაქტიკოსი მასწავლებლების სამუშაო ადგილზე, რომლებიც 2021-2022 სასწავლო წლის დაწყებამდე გავიდნენ საგნის ან პროფესიული უნარების გამოცდაზე და ვერ აიმაღლეს სტატუსი, სკოლის ადმინისტრაცია, 2021-2022 სასწავლო წლის მეორე სემესტრის დაწყებამდე არაუგვიანეს ერთი თვისა, აცხადებს კონკურსს.
მასწავლებლის ვაკანტური პოზიციის შეუვსებლობის შემთხვევაში, ზოგადსაგანმანათლებლო დაწესებულება, საჭიროებიდან გამომდინარე, უფლებამოსილია პრაქტიკოსი მასწავლებელი, რომელიც 2020 წლის 30 აპრილის ჩათვლით დარეგისტრირდა მასწავლებლის გამოცდაზე, დაასაქმოს მოცემულ პოზიციაზე, ვაკანსიის შევსებამდე, უსტატუსოდ. ხოლო საგანმანათლებლო დაწესებულებას ეძლევა გონივრული ვადა იმისთვის, რომ კონკურსი თავიდან გამოაცხადოს, რათა უსტატუსო მასწავლებელი სხვა, სტატუსის მქონდე მასწავლებელით ჩანაცვლდეს.
„გურია ნიუსი“ აღნიშნულ საკითხთან დაკავშირებით განათლების სამინისტროს საზოგადოებრასთან ურთიერთობის სამსახურის უფროსს, ეკა კვირკველიას, ესაუბრა რომელმაც გვითხრა, რომ ცვლილებები სპეცმასწავლებელთა განვითარების სქემაშიც შედის, თუმცა კანონპროექტი ჯერ მუშავდება და ცოტა ხანში წარედგინება პარლამენტს.
[sexy_author_bio]
