რუსეთის საოკუპაციო ძალებმა ლუგანსკის ოლქის, სოფელი სტანიცია ლუგანსკი დასახლებულ პუნქტი დაბომბეს. ინფორმაციას უკრაინული მედია თავდაცვის უწყებაზე დაყრდნობით ავრცელებს.
როგორც unian წერს, რუსმა ბოევიკებმა რკინიგზის სადგური და საბავშვო ბაღი დაბომბეს.
გამოცემის ინფორმაციით, საარტილერიო იარაღის გამოყენების შედეგად ჭურვები საბავშვო ბაღის შენობას მოხვდა. წინასწარი მონაცემებით, დაშავებულია ორი ადამიანი.
დაზიანებულია ასევე ინფრასტრუქტურა, დასახლების ნაწილი ელექტროენერგიის გარეშე დარჩა.
გაერთიანებული ძალების ოპერაციის პრესცენტრის თქმით, მშვიდობიანი მოქალაქეები თავშესაფარში გადაიყვანეს.
ონლაინ გამოცემა pravda წერს, რომ ასევე ცეცხლი გაუხსნეს რკინიგზის სადგურ ,,კონდრაშევსკაია-ნოვაიას“
გამოცემის ინფორმაციით, სადგურისა და დეპოს მუშები არ დაშავებულან. დაზიანებულია დეპოს შენობები და დიზელის ლოკომოტივი, მაგრამ არ გათიშულა. სადგური და დეპო აგრძელებენ მუშაობას.
“განსაკუთრებული ცინიზმით რუსეთის საოკუპაციო ჯარებმა დაბომბეს ლუგანსკის რაიონის სოფელი სტანიცია ლუგანსკა. ტერორისტების მიერ მძიმე საარტილერიო იარაღის გამოყენების შედეგად ჭურვები საბავშვო ბაღის შენობას მოხვდა.
წინასწარი მონაცემებით, ორმა სამოქალაქო პირმა მიიღო დაზიანება”, _ ნათქვამია ანგარიშში.
რუსული გამოცემები აღნიშნავენ, რომ 2019 წელს სტანიცია ლუჰანსკა გახდა ერთ-ერთი ადგილი, საიდანაც მინსკში გაფორმებული შეთანხმებების შედეგად სამხედრო ტექნიკა გაიყვანეს. ამ დროისთვის სადემარკაციო ხაზთან ქვეითთა საგუშაგოა.
პრეზიდენტმა ვოლოდიმირ ზელენსკიმ განაცხადა, რომ უკრაინას ესმის ყველა რისკი და მაქსიმალურად ემზადება რუსეთის ფედერაციის მხრიდან შესაძლო ესკალაციისთვის.
[sexy_author_bio]
