უკრაინელი პოლიტიკოსი, სუმის რეგიონის გუბერნატორი დიმიტრო ჟივიცკი სპეციალურ განცხადებას ავრცელებს და სუმში შექმნილ ვითარებაზე საუბრობს.
“ომის 6 დღის განმავლობაში პირველად მივმართავ არა სუმის რეგიონის მცხოვრებლებს, არამედ უკრაინის შეიარაღებული ძალების ხელმძღვანელობას, უკრაინის თავდაცვის მინისტრს, ეროვნული უსაფრთხოების ხელმძღვანელს, თავდაცვის საბჭოს. მივმართავ მთელ ცივილიზებულ სამყაროს, ყველა ქვეყნის პრეზიდენტს, რომელიც თავს დემოკრატად თვლის, მივმართავ ყველას, ვინც ზრუნავს უკრაინის, ევროპის, მთელი მსოფლიოს მომავალზე.
ამ დროისთვის, ათეულზე მეტი ტექნიკა, მძიმე იარაღი, საცეცხლე სისტემები გადაადგილდება მთელი რეგიონის ტერიტორიაზე და ანადგურებს ადამიანებს უკრაინაში.
სროლები იყო ქალაქი ოხტირკაში, თითქმის ნახევრად დანგრეულია. დღეს რუსეთის ე.წ არმიის მძარცველები მთელი რეგიონის ტერიტორიაზე არიან. მაგრამ ჩვენს ტერიტორიულ თავდაცვას დღეს ყველა დასახლება უჭირავს, შიშველი ხელებით და მოლოტოვის კოქტეილებით ჩვენ ვაჩერებთ ათეულობით და ასობით მტრის ტექნიკას.
დღეს ათობით, ასობით რუსული ისკანდერი, გრადები, ტანკები, BTR, საწვავის კოლონიები შემოდის სუმის რეგიონის ტერიტორიაზე, ისეთი ტექნიკა, რომლის ამოცნობაც ადგილობრივ მოსახლეობასაც კი არ შეუძლია.
ჩვენ გვესმის, რომ თუ დღეს არ იქნება ჩვენი არმიის მხარდაჭერა, თუ არ იქნება საავიაციო მხარდაჭერა, თუ არ მოხდება სამიზნეების დაბომბვა ზუსტი რაკეტებით, თუ არ შევაჩერებთ ამ შეჭრას სუმის რეგიონში, ისინი ხვალ კიევში იქნებიან. და ეს მხოლოდ ჩვენი პრობლემა არ არის. ეს არის დღეს მთელი უკრაინის, მთელი ევროპის და მთელი ცივილიზებული სამყაროს პრობლემა.
მე არ ვითხოვ, დაჟინებით მოვითხოვ სუმის რეგიონს მოეწოდოს მაღალი სიზუსტის იარაღი და რაკეტები მტრის სახმელეთო სამიზნეებზე თავდასხმისთვის. მოვითხოვ ავიაციას, რომელიც დღეს არ მისცემს უფლებას მტერს, წაშალოს ჩემი მშობლიური სუმის რეგიონი დედამიწის პირიდან. ჩვენ გვჭირდება გამათბობლები, გვჭირდება სნაიპერული თოფები და საბრძოლო მასალები, გვჭირდება რაციონი, გვჭირდება დაცვა – ჯავშანი, ჩაფხუტი, გვჭირდება ტაქტიკური ტანსაცმელი, გვჭირდება ყუმბარა, ჯაველინები, ნებისმიერი ტანკსაწინააღმდეგო რეაქტიული სისტემა.
დღეს ჩვენ ტერიტორიული დაცლა იცავს სუმის რაიონის 1 მილიონ 100 მცხოვრებს. და მე მოვითხოვ, რომ ჩვენი რეგიონი დარჩეს მშვიდობიანი, დამოუკიდებელი და გააგრძელოს უკრაინის დამოუკიდებლობის შენარჩუნება და მშვიდობა ევროპაში. ვითხოვ თქვენს მხარდაჭერას.
ჩვენ დღეს ჩვენი გმირი ჯარისკაცების წყალობით კოლონა შებრუნდა და უკან დაბრუნდა. დღეს სუმის რეგიონი და სუმის რეგიონის ყველა მცხოვრები – ახალშობილიდან და პატარა ბავშვიდან მოხუცამდე – დაცულია ნატოს მიერ. და ნატო – არ არის ნატოს ბლოკი, ეს არის ჩვენი ტერიტორიული დაცვა. და მე ვამაყობ ჩვენი მებრძოლით.
მადლობას ვუხდი დღეს ყველას, ვინც იარაღით ხელში ან საინფორმაციო სივრცეში ებრძვის მტერს.და მერწმუნეთ, თუ სუმის რეგიონს მხარი დაუჭირეს, მშვიდობა იქნება უკრაინაში, იქნება მშვიდობა ევროპაში და იქნება მშვიდობა მსოფლიოში”.
