New Yourker-ის ინფორმაციით, ვლადიმერ პუტინმა ჯარისკაცებს ბირთვული სისტემების მკაცრად გაკონტროლება და მომზადება დაავალა. თუმცა ამ თემის გარშემო მრავალი საკითხი არსებობს. არის ეს უბრალო მანიპულაცია თუ რეალური საფრთხე?
პუტინის ატომური ჭექა-ქუხილი ეპიკურ ბლეფს ჰგავს, რომელიც მსოფლიოს ყურადღების გადატანას და გულისცემის აჩქარებას ისახავს მიზნად. როგორც ჩანს, ეს არა სიძლიერის, არამედ სისუსტის ნიშანია.
„ვინც ამ დაპირისპირებაში ჩაერევა, უნდა იცოდეს, რომ რუსეთი მყისიერ პასუხს გასცემს და ისეთ შედეგამდე მიგიყვანთ, როგორიც თქვენს ისტორიაში არასდროს გინახავთ“ – განაცხადა ვლადიმერ პუტინმა. გარდა ამისა, მისი თქმით, რუსეთი დღეს ყველაზე ძლიერი ბირთვული სახელმწიფოა.
პუტინი შეხვდა რუსეთის თავდაცვის მინისტრს, სერგეი შოიგუს და მომგებიან სამხედრო სტრატეგიაზე ისაუბრა. ასევე შეხვედრას ესწრებოდა გენერალი ვალერი გერასიმოვი. პუტინი ბანკეტისთვის შესაფერის გრძელ მაგიდასთან იჯდა, ხოლო თავდაცვის მინისტრი და გენერალი დაჭრილ ირმებს ჰგავდნენ, რომლებიც პუტინისგან მოშორებით ისხდნენ. პუტინმა უბრძანა მათ, რომ რუსეთის ატომური ძალები საბრძოლო მორიგეობის სპეციალურ რეჟიმზე გადაეყვანათ. გამოდის, რომ პუტინს სურს მსოფლიოს ყველაზე მომაკვდინებელი იარაღის მომზადება კონფლიქტის გამო, რომელშიც მხოლოდ ერთი მხარეა ჩართული, ანუ რუსეთი.
ბაიდენის ადმინისტრაციამ პუტინის ე.წ „სატყუარა“ არ მიიღო. მან ცივად უპასუხა მოსკოვის ამ პროვოკაციას. ორშაბათს ბაიდენი შეხვდა მედიას და კითხვაზე, უნდა ინერვიულონ თუ არა ამერიკელებმა ბირთვული ომის შესახებ, ბაიდენმა პირდაპირ უპასუხა, რომ მსგავსი რამ არ მოხდება. თეთრი სახლის პრესმდივანმა ჯენ ფსაკიმ თქვა – „ჩვენ გვაქვს საკუთარი თავის დაცვის კარგი უნარი“. აქედან გამომდინარე, აშშ-ში განგაშის მაღალი დონე არ გააქტიურებულა არსებული მდგომარეობის გამო.
გავრცელებული ინფორმაციით, პუტინი ახლა თავის ბუნკერშია, რომელიც, სავარაუდოდ, სადღაც ალთაის მთებშია, რუსეთიდან 4,000 კმ-ის დაშორებით. მოსკოვიდან თვითმფრინავით 6 საათის გზაზე.
მიუხედავად იმისა, რომ ბაიდენმა დამაიმედებელი პროგნოზი გამოთქვა, რომ რუსეთი ბირთვულ იარაღს არ გამოიყენებს, საზოგადოება მაინც შეშინებულია და სოციალურ ქსელებშიც ფიქრობენ, რომ სიტუაცია შეიძლება უკიდურესად გაურესდეს. შეგახსენებთ, რომ უკრაინაში მდგომარეობა კვლავ ძალზე დაძაბულია. დღევანდელი მონაემებით, 2,000-ზე მეტი მშვიდობიანი უკრაინელი მოქალაქე და 9,000-ზე მეტი რუსი ჯარისკაცია დაღუპული.
