რუსმა ოკუპანტებმა უკრაინაში ეკლესიაც დაბომბეს – ამის შესახებ წერია კიევისა და სრულიად უკრაინის მიტროლიტის ეპიფანეს გავრცელებულ განცხადებაში.
მიტროპოლიტი ეპიფანე დასავლეთს მუოწოდებს დაკენტონ უკრაინის ცა
,,უკრაინაზე რუსეთის თავდასხმის დროს, ტაძრებსაც გაუხსნეს ცეცხლი, მშვიდობიან ინფრასტრუქტურასა და საცხოვრებელ სახლებთან ერთად, უდიდეს სულიერ სალოცავსაც კი, კიევის წმინდა სოფიას საკათედრო ტაძარს თავდასხმით ემუქრებიან. გავრცელდა ინფორმაცია ტაძრების დაბომბვის შესახებ, თუნდაც იმ ტაძრების, სადაც ლტოლვილებმა შეაფარეს თავი.
როგორც წინამძღვარი, მივმართავ რუს მკვლელებს – ნუ გაამდიდრეთ თქვენს დანაშაულებს სალოცავების განადგურებით, მით უმეტეს, როცა თვალთმაქცურად იმართლებთ თავს „ეკლესიის დასაცავად“.
მივმართავ საერთაშორისო თანამეგობრობას და განსაკუთრებით რელიგიურ ლიდერებს, აიმაღლონ ხმა რუსეთის მორიგი დანაშაულის წინააღმდეგ. სიტყვებით და საქმით, გააკეთე ყველაფერი, რომ შეაჩერო დაბომბვა.
ასევე მივმართავ უკრაინის მოსკოვის საპატრიარქოს ხელმძღვანელებს: ვერ ხედავთ, როგორ იბომბება უკრაინის ჩრდილოეთით, აღმოსავლეთით, სამხრეთით მდებარე ქალაქები, როგორ კლავენ აფეთქებები, მათ შორის, ვინც თქვენს მწყემსებად გთვლინ? ხმამაღლა მოითხოვეთ რუსეთისგან, მოსკოვის პატრიარქისგან, შეწყვიტოს ბარბაროსული დაბომბვა! ნუ დაიმალებით მშვიდობის ზოგადი სურვილების მიღმა, არამედ ილაპარაკეთ სიმართლე, როგორც უფალმა ბრძანა.
მე ასევე მინდა კიდევ ერთხელ დავამატო ჩემი ხმა თავისუფალი სამყაროს წინაშე მყოფი უკრაინელების მილიონობით ხმას: დახურეთ ცა უკრაინის თავზე! პუტინს უკვე სჯერა, რომ ჩვენს მიწაზე ომია „ამერიკასა და ნატოსთან“.
რუსი დიქტატორი უკვე შენთან ომშია, უკვე დაგესხა. სწორედ ამიტომ, უკრაინის, ჩვენი ხალხის, ბავშვების, ჩვენი სახლებისა და ტაძრების დაცვით თქვენ თავს იცავთ.“ – წერია განცხადებაში.
[sexy_author_bio]
