რუსმა ოკუპანტებმა ТСН-ის სამხედრო კორესპონდენტს, ანდრეი ცაპლიენკოს ჩერნიგოვის რაიონში ჟურნალისტური საქმიანობის გახორციელების დროს ცეცხლი გაუხსნეს.
გამოცემის ცნობით, ცაპლიენკო ამზადებდა მასალას ჩერნიგოვში ჰუმანიტარული დერეფნის შესახებ, რა დროსაც რუსებმა ტანკიდან ესროლეს მშვიდობიანი მოსახლეობის კოლონას, რომელშიც ასევე იყვნენ უცხოელი ჟურნალისტები და ТСН-ის გადამღები ჯგუფი. ოკუპანტებმა ისროლეს Smerchs-დან, 122 მმ საარტილერიო ნაღმტყორცნებიდან და ტანკიდან. დაბომბვა მინიმუმ საათნახევარი გაგრძელდა.
ექიმები ამბობენ, რომ ანდრეის გაუმართლა და ახლა მის სიცოცხლეს საფრთხე არ ემუქრება.
შეგახსენებთ, რუსეთის სრულმასშტაბიანი თავდასხმის დროს, ოფიციალური მონაცემებით, მხოლოდ დედაქალაქში და კიევის რაიონში დაიკარგა ხუთი ჟურნალისტი და ოპერატორი. ხოლო 23 მარტს მოკლეს რუსული ოპოზიციური გამოცემის, THE INSIDER-ის ჟურნალისტი ოქსანა ბაულინა.
გარდა ამისა, 13 მარტს, ირპენში ოკუპანტებმა ამერიკელი ჟურნალისტი ბრენტ რენო მოკლეს. მისი, ოპერატორი ხუან არედონდმა, კი ჭრილობები მიიღო. კიევის რეგიონში ასევე დაიჭრა რადიო თავისუფლების უკრაინული სამსახურის კორესპონდენტი მარკი კუშნირი. ხოლო შვეიცარიელი ჟურნალისტის გიომ ბრიკეტის მანქანა რუსმა სამხედროებმა ნიკოლაევის რაიონში დახვრიტეს.
