რუსული გაზეთის Новая Газета-ს რედაქტორმა, ნობელის პრემიის მფლობელმა დიმიტრი მურატოვმა განაცხადა, რომ უკრაინაში რუსეთის “სპეციალური ოპერაციის” დასრულებამდე ონლაინ და ბეჭდურ საქმიანობას აჩერებს.
საგამოძიებო გაზეთმა მედიის შესახებ ახალი კანონის შესაბამისად ვებგვერდიდან უკვე წაშალა მასალა უკრაინაში რუსეთის სამხედრო მოქმედების შესახებ. “ნოვაია გაზეტამ” დღეს, 28 მარტს, კიდევ ერთი გაფრთხილება მიიღო სახელმწიფო კომუნიკაციების მარეგულირებელი სააგენტოდან, რის გამოც მან ოპერაცია შეაჩერა.
„ჩვენ ვაჩერებთ გაზეთის გამოცემას ჩვენს ვებ-გვერდზე, სოციალურ ქსელებში და ბეჭდურ ფორმატში „უკრაინის ტერიტორიაზე სპეცოპერაციის“ დასრულებამდე“ – წერს გაზეთი თავის ვებგვერდზე.
ცალკე გაგზავნილ წერილში მკითხველებისთვის, მურატოვმა და მისმა ჟურნალისტებმა განაცხადეს, რომ მათი საქმიანობის შეჩერების გადაწყვეტილება რთულია, მაგრამ აუცილებელი იყო.
“სხვა არჩევანი არ არის. ჩვენთვის და ვიცი, თქვენთვის ეს საშინელი და რთული გადაწყვეტილებაა.” – ნათქვამია ჟურნალისტების განცხადებში
Новая Газета-ს მკითხველებმა და ანტიკრემლის აქტივისტებმა გამოთქვეს სინანული, რომ გაზეთი ვეღარ ფუნქციონირებს არსებულ რუსულ მედია გარემოში.
Usnews წერს, რომ დამოუკიდებელმა რუსულმა რადიოსადგურმა Эхо Москвы რადიოარხისა და ვებსაიტის ლიკვიდაციის გადაწყვეტილება მიიღო.
ზეწოლა რუსეთის ლიბერალურ მედიასაშუალებებზე მას შემდეგ გაიზარდა, რაც მოსკოვმა ჯარები გაგზავნა უკრაინაში გასულ თვეში, მედიის უმეტესობა და სახელმწიფოს მიერ კონტროლირებადი ორგანიზაციები მჭიდროდ იცავენ იმ ენას, რომელსაც კრემლი იყენებს კონფლიქტის აღსაწერად.
საბჭოთა კავშირის დაშლის შემდეგ დაარსებული Новая Газета მისი რეპორტიორები წლების განმავლობაში ექვემდებარებოდნენ დაშინებას და თავდასხმებს უფლებების დარღვევისა და კორუფციის გამოძიების გამო.
1 მარტს რუსეთის გენერალური პროკურატურამ ლიბერალური რადიოსადგურის Эхо Москвы და დამოუკიდებელი გამოცემის Дождь წვდომის შეზღუდვა მოითხოვა. 2 მარტს კი Дождь-ის თანამშრომელთა ნაწილმა, მათ შორის გამოცემის მთავარმა რედაქტორმა, ტიხონ ძიადკომ რუსეთი დატოვეს.
4 მარტს „ნოვაია გაზეტას“ განცხადებას მოჰყვა რადიოსადგურ „ეხო მოსკვის“ დახურვა, რომელიც იყო ერთ-ერთი დარჩენილი ლიბერალური ხმა რუსულ მედიაში. ხელისუფლებამ ასევე დაბლოკა რამდენიმე გამოცემის ვებგვერდი, მათ შორის BBC, ამერიკის ხმა და რადიო თავისუფალი ევროპა/რადიო თავისუფლება.
„ვისურვებდი, რომ როსკომნადზორი იყოს ის, ვინც შეაჩერებს თავის მუშაობას“, – წერს დაპატიმრებული პოლიტიკური აქტივისტის ანდრეი პივოვაროვის გუნდი Twitter-ზე.
ორშაბათს იუსტიციის სამინისტრომ დაამატა გერმანიის Deutsche Welle მედია ორგანიზაციების სიას, რომელიც მან უცხოურ აგენტებად დაასახელა.
