პენტაგონის შეფასებით, რუსეთის შეიარაღებული ძალების ბოლო მანევრების მიხედვით, ოკუპანტების ახალი პრიორიტეტი დონბასის ოლქის სრულად დაკავებაა. ამის შესახებ აშშ-ის თავდაცვის უწყებაში, მორიგ ანონიმურ ბრიფინგზე ისაუბრეს.
პენტაგონის ანგარიშის მიხედვით, ყველაზე აქტიური ხელშეწყობა ხარკოვის რეგიონში ფიქსირდება. გასულ შაბათ-კვირას რუსულმა შენაერთებმა სამხრეთ-აღმოსავლეთის ქიშიშის ტერიტორიები ხუთი კილომეტრის მანძლი გადალახეს.
პენტაგონში ამბობენ, რომ რუსეთის შეიარაღებული ძალების დონბასზე ფოკუსირებას, შესაძლოა, რამდენიმე ახსნა ჰქონდეს:
ადგილზე გამაგრებული უკრაინული შეიარაღებული ძალების ალყაში მოქცევა და მათი დანარჩენი უკრაინისგან მოწყვეტა ისე, რომ სხვა ცხელ წერტილებში გადაადგილება ვერ შეძლონ;
ახალი ქმედითი ბერკეტის მოპოვება უკრაინასთან მოლაპარაკებების პროცესში;
საომარი მოქმედებების მთლიანი სტრატეგიის ცვლილება, რადგან ამ დრომდე ოკუპანტებს კიევზე შეტევის სერიოზული მცდელობები არ ჰქონიათ.
პენტაგონის ცნობითვე, რუსული არმიის ნაწილები ჩრდილო-დასავლეთ მიმართულებით კიევიდან დაახლოებით 15-20 კილომეტრში, სამხრეთ-აღმოსავლეთით კი დედაქალაქიდან 55 კილომეტრში დგანან.
