პროექტი: „პარტნიორობა ჩართულობითი პოლიტიკის შესაქმნელად“ ადვოკატირების კამპანია ” მდგრადი განვითარება თანაბარი შესაძლებლობების უზრუნველსაყოფად” დაფინანსებულია “საქველმოქმედო ჰუმანიტარული ცენტრი აფხაზეთი”-ს მიერ. პროექტის მიზანია: ოზურგეთის მუნიციპალიტეტში შეზღუდული შესაძლებლობის მქონე (შშმ) პირთა საჭიროებებზე მორგებული სოციალური პროგრამების დანერგვის ხელშეწყობა, ხოლო პროექტის ძირითადი ამოცანაა: ჩართულობითი ეფექტური მექანიზმის დანერგვა ოზურგეთის მუნიციპალიტეტის მერთან არსებული შეზღუდული შესაძლებლობების მქონე პირთა საბჭოს პლატფორმის ბაზაზე. პროექტით გათვალისწინებული მიზნის მისაღწევად შეხვედრები ჩატარდა თემის წარმომადგენლებთან, ასევე ადგილობრივ ხელისუფლებასთან. შეხვედრებში მონაწილეობდნენ მოწვეული ექსპერტები: ლია ტაბატაძე დაუნის სინდრომის მქონე პირთა ასოციაციის ხელმძღვანელი და გიგა სოფრომაძე თბილისის მერის შეზღუდული შესაძლებლობის მქონე პირთა საკითხებზე მომუშავე საბჭოს აღმასრულებელი მდივანი.
პროექტი განახორციელა “მშობელთა მხარდამჭერი ცენტრის“ მიერ.
“მშობელთა მხარდამჭერი ცენტრი”-ს ხელმძღვანელის ვეკო წულაძის თქმით, პროექტის ფარგლებში ჩატარდა 4 შეხვედრა თემის წარმომადგენლებთან, თითოეული შეხვედრა იყო პროექტისთვის მნიშვნელოვანი, რომელიც მოიცავდა ორ ძირითად საკითხს. ეს იყო ოზურგეთის მუნიციპალიტეტის მერთან არსებული შეზღუდული შესაძლებლობის მქონე პირთა საკითხებზე მომუშავე საბჭოს დებულების დახვეწა, რათა უფრო ეფექტური და ქმედითი გამხდარიყო საბჭო და მეორე 2 წლიანი სტრატეგიული სამოქმედო გეგმისთვის თემის მიერ ზოგადი რეკომენდაციების გაწერა. აღნიშნულ პროცესში მონაწილეობას იღებდა ექსპერტი ლია ტაბატაძე.
“ერთ-ერთ შეხვედრაზე სადაც განხილული იყო თბილისის მერიის გამოცდილება საბჭოს დებულების შემუშავების და დამტკიცების პროცესი, ასევე თბილისის შშმ პირთა სტრატეგიული დოკუმენტის შესახებ. მეორე შეხვედრა ჩატარდა 8 აპრილს სადაც განხილული იყო უკვე დამუშავებული დებულება და პროექტის ფარგლებში მოწვეულმა ექსპერტმა გიგა სოფრომაძემ მოგვცა რეკომენდაციები, როგორ იქნებოდა უმჯობესი რიგი საკითხები ყოფილიყო დებულებაში ასახული, რის შემდეგაც მოხდა საბოლოო სახით დახვეწა და მუნიციპალიტეტისთვის გადაგზავნა.“ – აღნიშნა ვეკო წულაძემ.
მისივე თქმით, ამავე პროექტის ფარგლებში გააცნეს ადგილობრივი ხელისუფლების წარმომადგენლებს ინფორმაცია.
ფიქრია ბარამიძე “ოზურგეთის დამოუკიდებელი ცხოვრების ცენტრის ხელმძღვანელი” ამბობს, რომ ოთხი შეხვედრა ჩატარდა თემის წარმომადგენლებთან, სადაც თბილისის გამოცდილება გაგვაცნო ექსპერტმა ლია ტაბატაძემ. თემის მიერ განხორციელდა ოზურგეთი მუნიციპალიტეტის მერთან არსებული შეზღუდული შესაძლებლობის მქონე პირთა საკითხებზე მომუშავე საბჭოს დებულების დახვეწა და გაიწერა სტრატეგიული დოკუმენტის ზოგადი რეკომენდაციები.
ფიქრია ბარამიძე: პროექტის განმავლობაში ჩატარდა 2 თემატური სამუშაო შეხვედრა ადგილობრივ ხელისუფლების წარმომადგენლებთან, რის შედეგადაც პირველი – შეხვედრაზე ექსპერტმა გიგა სოფრომაძემ გააცნო მონაწილეებს თბილისის მერთან არსებული შეზღუდული შესაძლებლობის მქონე პირთა საბჭოს დებულება და ისაუბრა თბილისის მუნიციპალიტეტის მერიის შშმ პირთა თანაბარი შესაძლებლობების უზრუნველყოფის 2021 – 2024 წლების სამოქმედო გეგმაზე.
მეორე სამუშაო შეხვედრის საბოლოო შედეგს წარმოადგენდა- შეხვედრაზე საბოლოო სახით დამუშავდა ოზურგეთის მუნიციპალიტეტის მერთან არსებული შეზღუდული შესაძლებლობის მქონე პირთა საკითხებზე მომუშავე საბჭოს დებულება და შევჯერდით სამოქმედო გეგმის ზოგად რეკომენდაციებზე.
ნინო ჭელიძე პროექტის კოორდინატორი აღნიშნავს, რომ მშობელთა მხარდამჭერი ცენტრი აქტიურად ზრუნავს ოზურგეთის მუნიციპალიტეტში შშმ პირების თანაბარი უფლებების უზრუნველსაყოფად, ხოლო ეს პროექტი ამ მთლიან ჯაჭვში არის ერთი რგოლი.
“მიხარია, რომ ჩვენი წვლილი შეგვაქვს შშმ პირთა დამოუკიდებელი ცხოვრების გაუმჯობესებაში.
ვგეგმავთ საბჭოს წევრები გავხდეთ, სადაც შევძლებთ თემის საჭიროებების გახმოვანებას და ვიბრძოლებთ რეალური ცვლილებებისთვის.
ოზურგეთის მუნიციპალიტეტის მერთან არსებული შეზღუდული შესაძლებლობების მქონე პირთა საბჭოს მეშვეობით მოხდება შშმ პირთა საჭიროებების საკითხების დაყენება.არსებული სოციალური პროგრამების დახვეწა და უფრო ეფექტურად გამოყენება.
სერვისების განვითარება ორგანიზაციის პრიორიტეტული საკითხია.ვგეგმავთ ამ მიმართულებით მუნიციპალიტეტთან თანამშრომლობას და იმ სერვისების განვითარებას რაც არ არსებობს. გარემოს ადაპტირებული გარემოს შესაქმნელად აქტიური მონიტორინგის განხორციელება.
საზოგადოების ცნობიერების ამაღლება:ტრენინგების ორგანიზება,სკოლებთან და ბაღებთან თანამშრომლობა. შეზღუდული შესაძლებლობების მქონე პირების უფლებების დარღვევის შემთხვევაში აქტიური ადვოკატირების კამპანიაში ჩაბმას.
ასევე სხვადასხვა პროექტების განხორციელებას და კიდევ უფრო საინტერესო და აქტუალური თემების ადვოკატირებას.“ – აღნიშნა საუბრის დროს ნინო ჭელიძე.
(R)
