რამდენიმე დღის წინ ცნობილი გახდა რომ პოპულარული კინო-სერიალი „შიმშილის თამაშები“ დიდ ეკრანს უბრუნდება.
ფილმის გადამღებმა კინოკომპანიამ „Lionsgate“ უკვე დაანონსა რომ ახალი სურათის პრემიერა 2023 წლის 17 ნოემბერს გაიმართება.
სერიის წინა ნაწილების მსგავსად, ახალი ფილმიც ამერიკელი მწერლის, სიუზენ კოლინზის, რომანს ეფუძნება.
კინოსურათის რეჟისორი კვლავაც ფრენსის ლოურენსი იქნება, რომელმაც ასევე გადაუღო წინა ფილმები (პირველის გარდა). სცენარის ავტორი მაიკლ არნდტია.
შიმშილის თამაშების ტრილოგია, რომლის გამოცემაც ავტორმა 2008 წელს დაიწყო, მსოფლიოში ერთ-ერთ ყველაზე პოპულარულ სერიად იქცა. ამ დრომდე საგა 51 ენაზეა თარგმნილი და გაყიდულია 100 მილიონზე მეტ ეგზემპლარად. წიგნების მიხედვით გადაღებულმა ოთხმა ფილმმა კი, ჯამში $3 მილიარდამდე გამოიმუშავა.
ავტორი
