პრეზიდენტმა ბაიდენმა ხელი მოაწერა კანონპროექტს, რომელიც აღადგენს მეორე მსოფლიო ომის სესხის იჯარის პროგრამას, რაც აშშ-ს საშუალებას აძლევს უკრაინას უფრო სწრაფად მიაწოდოს იარაღი.
”მე ხელს ვაწერ კანონპროექტს, რომელიც წარმოადგენს კიდევ ერთ მნიშვნელოვან ინსტრუმენტს ჩვენს მცდელობებში, მხარი დავუჭიროთ უკრაინის მთავრობას და უკრაინელ ხალხს ბრძოლაში დაიცვან თავიანთი ქვეყანა და მათი დემოკრატია პუტინის სასტიკი ომის წინააღმდეგ”, – თქვა ბაიდენმა ხელმოწერის დროს.
აშშ-ს წარმომადგენელთა პალატამ უკრაინის დასახმარებლად ლენდ-ლიზის კანონი ხმათა უმრავლესობით, 417-ით 10-ის წინააღმდეგ 29 აპრილს დაამტკიცა. იქამდე კანონპროექტს 7 აპრილს აშშ-ს სენატმა დაუჭირა მხარი.
უკრაინის დემოკრატიის დაცვის ლენდ-ლიზის 2022 წლის აქტი დააჩქარებს უკრაინისთვის ომის განმავლობაში მნიშვნელოვანი სამხედრო აღჭურვილობისა და სხვა მნიშვნელოვანი მარაგების გადაცემას, ბიუროკრატიული პროცედურის შემცირებით. აქტი იძლევა შეიარაღების დე ფაქტოდ გაჩუქების შესაძლებლობას, დებულებით, რომ მიმღები ქვეყანა აშშ-ს მომავალში გადაუხდის.
კანონპროექტის მიღება მას შემდეგ მოხდა, რაც ბაიდენმა პრაქტიკულად ამოწურა სამხედრო დახმარება, რომელიც მას შეუძლია უკრაინას გაუგზავნოს მისი პრეზიდენტის უფლებამოსილების ფარგლებში. პრეზიდენტმა პარასკევს გამოაცხადა, რომ უკრაინას დამატებითი 150 მილიონი დოლარის სამხედრო დახმარება გამოყოფს .
ბაიდენმა ასევე მოითხოვა კონგრესისგან 33 მილიარდი დოლარის სამხედრო და ჰუმანიტარული დახმარება უკრაინისთვის.
ლენდ-ლიზის პროგრამა მეორე მსოფლიო ომის დროს დაეხმარა აშშ-ს მოკავშირეებს ადოლფ ჰიტლერის ნაცისტურ გერმანიასთან გამკლავებაში, რადგან ამერიკას მიეცა შესაძლებლობა, დამატებითი პროცედურების გარეშე პარტნიორები სწრაფად მოემარაგებინა.
ავტორი
