ევროპელმა ლიდერებმა უკრაინის ომის დასრულების საკითხზე ვლადიმერ პუტინთან მოლაპარაკება არ უნდა აწარმოონ, რადგან ის სახელმწიფო მოხელე კი არა, ბანდიტია,_ აღნიშნული განცხადება Euronews-ის ინფორმაციით, მიხეილ ხოდორკოვსკიმ გააკეთა.
ცნობისთვის, ხოდორსკოვსკი დევნილი ბიზნესმენია. ის ოდესღაც რუსეთის ყველაზე მდიდარ ადამიანად ითვლებოდა, ახლა კი ქვეყნის პრეზიდენტის მთავარი კრიტიკოსია.
”ევროპის ქვეყნების ლიდერებს ჯერ კიდევ სჯერათ, რომ მათ შეუძლიათ პუტინთან მოლაპარაკება ძალის დემონსტრირების გარეშე და რომ შეუძლიათ მასთან საუბარი სუსტი პოზიციიდან. ეს დრამატული შეცდომაა, რადგან ის არ არის ისეთი სახელმწიფო მოღვაწე, მხოლოდ ბანდიტია“, – განაცხადა ხოდორკოვსკიმ.
“და რას აკეთებს ბანდიტი ასეთ სიტუაციაში, როცა თავს ძლიერად თვლის და უბიძგებს მათკენ ნაბიჯის გადადგმას? ცდილობს, ბოლო მოუღოს თავის მსხვერპლს.”
შემდეგ ბიზნესმენმა აღნიშნა, რომ პუტინის თვითდაწესებულმა იზოლაციამ კოროვირუსული პანდემიის დროს შეცვალა მისი აღქმა უკრაინაზე და აიძულა იგი დაევალა შეჭრა, უგულებელყო ღრმა ცვლილებები, რაც ქვეყანამ განიცადა 2014 წლის მაიდანის რევოლუციის შემდეგ.
“არ მჯერა, რომ პუტინს რაიმე სტრატეგიული გეგმები აქვს. მე არ ვფიქრობ მასზე, როგორც სტრატეგიკოსზე”, – თქვა ხოდორკოვსკიმ.
„ის, რასაც ახლა ვაკვირდებით უკრაინაში, დაკავშირებულია COVID კარანტინთან, რომელიც პუტინმა საკუთარ ბუნკერში თავის ყველაზე აგრესიულ მეგობართან ერთად დააწესა”.
ყოფილმა ოლიგარქმა აღნიშნა, რომ პუტინს ეშინია დემოკრატიული ცვლილებების და უკრაინის მოპოვებული დამოუკიდებლობის.
კითხვაზე, თუ როგორ დასრულდება ომი, ბიზნესმენმა გაიხსენა ევროკავშირის საგარეო პოლიტიკის უფროსის ბორელის პროგნოზი.
„ბორელი, ევროპელი ბიუროკრატია და მისგან არცერთ მკაცრ სიტყვას არ ველოდი, მაგრამ მან თქვა ძალიან სწორი სიტყვები: ეს საკითხი მოლაპარაკების მაგიდის გარშემო კი არ გადაწყდება, არამედ ბრძოლის ველზე“, – განაცხადა ხოდორკოვსკიმ და აღნიშნა, “რა თქმა უნდა, ამ ომის ბოლოს იქნება მოლაპარაკებები, მაგრამ პირველ რიგში ეს კონფლიქტი მოგვარდება ბრძოლის ველზე და ამას ალტერნატივა არ აქვს”.
