გენმოდიფიცირებული ღორიდან გარდაცვლილ ადამიანს გული გადაუნერგეს. ამის შესახებ ინფორმაციას cnn ავრცელებს.
მაუწყებლის ინფორმაციით, მსგავსი პროცედურა პირველად ჩატარდა და მიზნად ისახავს წინსვლას მცდელობებში, რომელიც ითვალისწინებს დადგენას შესაძლებელია თუ არა ტრანსპლატაციის შემთხვევაში ადამიანის ორგანოების წარმატებით შეცვლა.
როგორც ცნობილია, ღორის გული 72 წლის ლოურენს კელს გადაუნერგეს. ის წარმოშობით პენსილვანიიდან არის და ავარიის შემდეგ თავის ტვინის სიკვდილით დაიღუპა. მისი სხეული კვლევისთვის ქირურგებს ოჯახმა გადასცა.
კელის ღორის გული ივნისში გადაუნერგეს, მკვლევარმა ჯგუფმა გაიმეორა პროცედურა სხვა გარდაცვლილ მიმღებთან, 64 წლის ალვა კაპუანოსთან ნიუ-იორკში, ივლისის დასაწყისში.
ტრანსპლანტაციის შემდეგ, მკვლევარებმა ჩაატარეს ტესტები სამი დღის განმავლობაში, რათა ეკონტროლებინათ, რამდენად კარგად იყო მიღებული გული, ხოლო მიმღების სხეული ცოცხალი იყო მექანიზმების გამოყენებით, ვენტილაციის ჩათვლით.
”ნაადრევი უარყოფის ნიშნები არ დაფიქსირებულა და გული ნორმალურად ფუნქციონირებდა ტრანსპლანტაციის შემდგომი სტანდარტული მედიკამენტებით და დამატებითი მექანიკური დახმარების გარეშე”, – ნათქვამია სამედიცინო ცენტრის პრესრელიზში.
გარდა ამისა, ექსპერტები შეშფოთებულნი იყვნენ, რომ შესაძლოა დაბრკოლებას წარმოადგენდეს ღორის ორგანოების გამოყენება ადამიანში, მაგრამ მათ არ აღმოაჩინეს ღორის ციტომეგალოვირუსით (pCMV) ინფექციის ნიშნები.
”ჯერ კიდევ დიდი გზაა გასავლელი, სანამ აქედან კლინიკურ ტრანსპლანტაციაზე გადავალთ. ჯერ კიდევ ბევრი, ბევრი, ბევრი კითხვაა, რომელზეც პასუხის გაცემაა საჭირო”,_ ამბობენ მკვლევარები.
