2008 წლის რუსეთ-საქართველოს ომის მე-14 წლისთავთან დაკავშირებით, ტრაგიკულად დაღუპულ გმირთა ხსოვნის პატივსაცემად, ოზურგეთში ღონისძიება შედგა.
ეროვნული გმირის, ზაზა დამენიას საფლავთან, როგორც წესი, ყველაზე ადრე ტერიტორიული მთლიანობისთვის ომებში მონაწილე ვეტერანები მოდიან.
თენგიზ თავბერიძე, გელა ბოლქვაძე, გოჩა დოლიძე, შუქრი ადაშიძე, გელა ბაქანიძე, გელა სურგულაძე იგონებენ ომის ამბებს და ნანატრ ერთიანობაზე დღესაც ისევე ოცნებობენ, როგორ წლების წინ.
_ტერიტორიული მთლიანობისთვის, 8 აგვისტოს ომში დაღუპული ჩვენი გმირების ხსონვას მუდამ მუხლი უნდა მოვუყაროთ. მუდამ უნდა დავიჩოქოთ მათ საფლავებთან. ჩვენი ხალხი მუდამ იბრძოდა და იბრძვის თავისუფლებისთვის, ტერიტორიული მთლიანობისთვის და დადგება ის დღეც, როცა სრულად გათავისუფლედება ჩვენი სამშობლო, – თქვა „გურია ნიუსთან“ თენგიზ თავბერიძემ.
ეროვნული გმირის ზაზა დამენიას საფლავი გვირგვინებით შეამკეს და მათ ხსოვნას პატივი მიაგეს ოზურგეთის მუნიციპალიტეტის მერმა ავთანდილ თალაკვაძემ, გუბერატორმა გიორგი ურუშაძემ და სხვა ოფიციალურმა პირებმა.
_ჩემს გულს რა გაამრთელებს. ვცოცხლობ ერთი იმედით, როდის დადგება ის დღე, როცა ჩვენს ტერიტორიებს დავიბრუნებთ…მერე კი მოვალ აქ, ზაზას საფლავთან და ჩავძახებ, რომ მისი ოცნება ახდენილია, სამშოლო თავისუფალი და გაერთიანებულია, – გვითხრა ზაზას დედამ, ქალბატონმა ციური წერეთელმა.
საქართველოს უახლესი ისტორიის ყველაზე მძიმე დღე უწოდა ავთანდილ თალაკვაძემ 8 აგვისტოს.
_მშვიდობას არ გააჩნია ანალოგი. იმედი მაქვს, მალე დადგება ის დღე, როცა მოხდება დეოკუპაცია და ჩვენი სამშობლო გამთლიანდება, – თქვა მან ზაზა დამენიას საფლავთან.
აქ მოვიდნენ “ერთიანი ნაცოიონალური მოძრაობის” წევრები.
ბესო ქათამაძე თავად 8 აგვისტოს ომის მონაწილეა.
_იგივე განცდა მაქვს, რაც მქონდა 2008 წლის ომის დღეებში. ემოციურდ ძალიან მძიმედ ვარ დტვირთული, რადგან იმ მებრძოლების საფლავთან ვდგავარ, ვის გვერდითაც ომის დღეებში ვიდექი. მადლობა ამ ბიჭებს! ჩვენი ბრძოლა გაგრძელდება მანამ, სანამ მიზანი არ იქნება მიღწეული და მათი სისხლის ფასად სამშობლო არ იქნება გაერთიანებული! დიდება გმირებს! დიდება საქართველოს! _ თქვა ბესო ქათამაძემ.
ოზურგეთის მერმა, გურიის გუბერნატორმა, საკრებულოს თავმჯდომარემ დავით დარჩიამ, ასევე სხვა ხელმძღვანელმა პირებმა, საზოგადოების წევრებმა მოინახულეს 8 აგვისტოს ომში დაღუპული ყველა გმირის: თამაზ ნიკიტინის, თემურ ჭიტაძის, ზაურ თენიეშვილის, საფლავები და გვირგვინებით შეამკეს.
მამა ნოემ გმირების საფლავებთან პანაშვიდი აღავლინა.
ავტორი
