ფრინველის გრიპის ისტორიაში ყველაზე დიდი ეპიდემიის გამო ევროპაში წელს თითქმის 48 მილიონი ფრინველი ემსხვერპლა. ამის შესახებ ინფორმაციას The Dailymail ავრცელებს.
უაღრესად გადამდები ვირუსი – რომელსაც ექსპერტები შიშობენ, რომ შეიძლება ადამიანებზე გადავიდეს და სხვა პანდემია გამოიწვიოს – ჩვეულებრივ ზაფხულში კვდება. მიუხედავად ამისა, წელს ფრინველის გრიპი გაგრძელდა მთელი წლის განმავლობაში.
დიდ ბრიტანეთში ფერმერები ამბობენ, რომ საშობაო ინდაურის მარაგი პოტენციურად საფრთხის ქვეშაა.
მოსალოდნელია, რომ მაჩვენებლები მხოლოდ სპირალურად გაიზრდება, რადგან გადამფრენი ფრინველების ფარები დიდ ბრიტანეთში მომავალი კვირების განმავლობაში დაიწყებენ ჩამოსვლას.
ფრინველის გრიპის შედეგად ფრინველების მკვლელობის მაჩვენებლები მოიცავს მთელ ევროპას, ასევე დიდ ბრიტანეთს, რომელმაც უკვე მოკლა 3 მილიონი ქათამი, ინდაური და იხვი.
ფრინველების გრიპი დაფიქსირდა 37 ქვეყანაში.
სურსათის უვნებლობის ევროპულმა ორგანომ (EFSA), დაავადებათა პრევენციისა და კონტროლის ევროპულმა ცენტრმა (ECDC) და ფრინველის გრიპის ევროკავშირის საცნობარო ლაბორატორიამ, განაცხადეს, რომ „გავრცელების გეოგრაფიული მასშტაბები უპრეცედენტოა“.
გარეული ფრინველები, განსაკუთრებით კი ღორები და თოლიები, ასევე განადგურდნენ ფრინველის გრიპით.
დიდ ბრიტანეთში დაფიქსირდა ფრინველის გრიპის 1727 შემთხვევა გარეულ ფრინველებში, 406 ლოკაციასა და ფრინველის 59 სახეობაში.
გარემოს დაცვის დეპარტამენტმა (დეფრა) გამოაცხადა ფრინველის გრიპის პრევენციის ზონები ნორფოლკის, საფოლკისა და ესექსის ნაწილებში.
დეფრამ თქვა, რომ პარასკევს ფრინველის გრიპი გამოვლინდა Bury St Edmunds-ის მახლობლად და ორ ადგილას ბრეკლენდ ნორფოლკში.
დიდი ბრიტანეთის მთავარმა ვეტერინარულმა ოფიცერმა, დოქტორმა ქრისტინ მიდლმისმა თქვა, რომ გარეულ ფრინველებში დაავადების დონემ გამოიწვია ზრდა.
მან თქვა: „სამწუხაროდ, ჩვენ ველით, რომ შემთხვევების რიცხვი გაგრძელდება მომდევნო თვეებში, რადგან გადამფრენი ფრინველები ბრუნდებიან დიდ ბრიტანეთში, რასაც ახლავს დაავდების რისკი, რომელიც შეიძლება გავრცელდეს ჩვენს ფარებში“.
ECDC აფრთხილებს, რომ ფრინველის გრიპს აქვს “პოტენციალი სერიოზულად იმოქმედოს საზოგადოებრივ ჯანმრთელობაზე”, თუმცა ამჟამინდელი ეპიდემიის პირობებში დასავლეთ ევროპაში ჯერ არც ერთი ადამიანი არ დაინფიცირებულა, მაგრამ მთელ მსოფლიოში, 2003 წლის იანვრიდან 2022 წლის 31 მარტამდე, 18 ქვეყნიდან დაფიქსირდა ფრინველის გრიპის A (H5N1) ვირუსით ადამიანის ინფექციის 863 შემთხვევა. აქედან 455 შემთხვევა ფატალური იყო.
ყველაზე მეტად რისკის ქვეშ არიან მეფრინველეები და სასაკლაოს მუშები.
