მაწანწალა, დაავადებული ძაღლების ქუჩებში და სადარბაზოებში თარეში სამტრედიაში კვლავ სერიოზულ პრობლემად რჩება. მოსახლეობა საშინლად განიცდის უპატრონო, აგრესიული ძაღლებისგან თავდასხმებს, რისი შემთხვევებიც სამტრედიის სინამდვილეში ძალიან ხშირია.
დღეს საკუთარი ფეისბუქის გვერდზე ფოტოები დადო და პოსტი განათავსა თამარ მეფის ქუჩის #46-ში მცხოვრებმა ეკატერინე დუნდუამ. ახალგაზრდა ქალბატონი წერს რომ კორპუსში, სადაც 12 ოჯახი ბინადრობს, სამი უპატრონო ძაღლია შეკედლებული, სამივეს ჯანმრთელობის პრობლემები აქვს.
“ერთი გატყავებული ძაღლი ვერ მოხვდა კადრში, უკვე საშინელი მეგომარეობაა აქ ყოველ დღე ვერავინ გამოვა ამათი დასვრილის დასასუფთავებლად, არ გეგონოთ რომ ცხოველები არ მიყვარს თავად გადამირჩენია და მყოლია სახლში ბევრი უპატრონო ძაღლი მაგრამ ეს უკვე საშინელებაა. ავადმყოფი ცხოველები არ მინდა იქ, სადაც შვილებთან ერთად ვცხოვრობ და მგონი, არცერთ საღად მოაზროვნეს არ მოუნდება. ბინა ისედაც პრობლემურია და დაზიანებული და დამატებული კიდე ამათი დასვრილი გარემო გაუსაძლისია. ვიღაც ქალბატონს ვესაუბრე წავიყვანთო და თვეზე მეტია არავინ მოსულა. ვის მივმართო და რა გავაკეთო აღარ ვიცი, პლუს ის დიდი ბებერი ძაღლი აგრესიულია სულ იღრინება ასევე გარეთაც მიზდევს ხალხს, მჭირდება დახმარება რომ ესენი გადაიყვანონ და მიხედონ ან უმკურნალონ ესე აქ დაავადდები.
სამტრედიის მუნიციპალიტეტის მერია-Samtredia Municipality Hall, სუფთა გარემო სამტრედიაში
თუ ეს პოსტი რომელიმე მეზობელს გააღიზიანებს შეუძლია გამოვიდეს და მიხედოს ამ ძაღლებს, ასევე შემიძლია მივცე ცოცხი და სდიოს ამათ ბეწვს და განავალს ყოველ დღე… თუ ვინმემ იცის სად დავრეკო რომ ესენი წაიყვანონ მომწერეთ ან ყველას შეუძლია დარეკოს მგონი მარტო მე არ უნდა მაწუხებდეს ეს მდგომარეობა…”
