სირიაში, ქალაქ რასტანში იშვიათი რომაული მოზაიკა იპოვეს. ამის შესახებ ინფორმაციას BBC ავრცელებს.
გავრცელებული ინფორმაციით, 1600 წლის ფაქტობრივად ხელუხლებელი რომაული ეპოქის მოზაიკა ცენტრალურ სირიაში აღმოაჩინეს.
მოზაიკა, ზომით 20 x 6 მ (65,5 x 20 ფუტი), იპოვეს რასტანში, ჰომსის მახლობლად მდებარე შენობის ქვეშ, რომელიც 2018 წლამდე სამოქალაქო ომის დროს მეამბოხეებს ეკავათ.
როგორც ცნობილია, სირიის მრავალი არქეოლოგიური საგანძური დაზიანდა ათწლეულზე მეტი ომის შემდეგ.
მაგრამ ბოლო აღმოჩენა აღწერილია, როგორც ყველაზე მნიშვნელოვანი არქეოლოგიური აღმოჩენა 2011 წლის კონფლიქტის დაწყების შემდეგ.
სირიის მუზეუმებისა და სიძველეების გენერალური დირექტორის მაღალჩინოსანმა ჰამან საადმა, განაცხადა, რომ მოზაიკა მდიდარია დეტალებით, რომელშიც გამოსახულია რომაული ზღვის ღმერთი ნეპტუნი და მისი 40 ბედია, ისევე როგორც ჰერკულესი.
რასტანი იყო აჯანყებულთა დასაყრდენი და ინტენსიური ბრძოლების სცენა, სანამ ის 2018 წელს სირიის სამთავრობო ძალებმა არ დაიპყრეს.
ინფორმაციისთვის, სირია განიხილება არქეოლოგებისთვის საგანძურად, სადაც არის უძველესი ცივილიზაციების ზოგიერთი საუკეთესო შემონახული რელიქვია, მათ შორის უმაიადების მეჩეთი დამასკოში და უძველესი ქალაქი პალმირა. მაგრამ ბევრი რამ განადგურდა ან გაძარცვეს სამოქალაქო ომში. 2015 წელს დაჯგუფება „ისლამურმა სახელმწიფომ“ დაიპყრო პალმირა, რამაც ქალაქის განადგურება გამოიწვია.
