ილონ მასკის კომპანია SpaceX აცხადებს, რომ უკრაინას სატელიტურ ინტერნეტ Starlink-ს უფასოდ აღარ მიაწვდის.
Starlink-ის სატელიტური ინტერნეტ ტერმინალები უკრაინის სამხედროებისთვის კომუნიკაციის სასიცოცხლო წყარო იყო, რაც მათ საშუალებას აძლევდათ ებრძოლათ და დარჩენილიყვნენ კავშირზე მაშინაც კი, როცა მობილური ინტერნეტი და საკაბელო ქსელები ნადგურდებოდა.
უკრაინას საჩუქრად Starlink-ის დაახლოებით 20 000 თანამგზავრი გადაეცა. SpaceX-მა გააფრთხილა პენტაგონი, რომ მან შეიძლება შეწყვიტოს მომსახურების დაფინანსება უკრაინაში.
CNN-ის მიერ მოპოვებული დოკუმენტები აჩვენებს, რომ გასულ თვეში მასკის SpaceX-მა წერილი გაუგზავნა პენტაგონს, რომელშიც ნათქვამია, რომ ვეღარ გააგრძელებს Starlink სერვისის დაფინანსებას, როგორც ამას აკეთებს. წერილში მოთხოვნილია, რომ პენტაგონმა აიღოს Starlink-ის უკრაინის მთავრობისა და სამხედრო გამოყენების დაფინანსება, რომელიც SpaceX-ის მტკიცებით 120 მილიონ დოლარზე მეტი დაჯდება წლის დანარჩენი პერიოდისთვის და შეიძლება 400 მილიონ დოლარამდე დაჯდეს მომდევნო 12 თვის განმავლობაში.
“ჩვენ არ ვართ იმ მდგომარეობაში, რომ შემდგომში გავწიროთ ტერმინალები უკრაინას, ან დავაფინანსოთ არსებული ტერმინალები განუსაზღვრელი ვადით”, – წერს SpaceX-ის მთავრობის გაყიდვების დირექტორმა პენტაგონს სექტემბრის წერილში.
ინფორმაცია გავრცელდა ცნობების ფონზე Starlink-ის ფართო სპექტრის გათიშვის შესახებ. წყაროებმა განაცხადეს, რომ 30 სექტემბერს მოულოდნელად დაზარალდნენ. CNN-თან ანონიმური წყარო ამბობს, რომ “სტარლინკი არის ბრძოლის ველზე ქვედანაყოფების კომუნიკაციის მთავარი გზა”.
