1 ნოემბერს, ა(ა) პი არაფორმალური განათლებისა და კულტურული მემკვიდრეობის დაცვის ცენტრის მთავარი ბიბლიოთეკის შენობაში ინტელექტუალური თამაშის ,,ცოდნა თან დასდევს მცოდნელსა” II ტური გაიმართა.
ინტელექტუალურ თამაშში ერთმანეთს N1 საჯარო სკოლის, ამაღლების საჯარო სკოლის, კოხნარის საჯარო სკოლის, ერკეთის საჯარო სკოლის, საჭამიასერის საჯარო სკოლისა და ვანზომლეთის საჯარო სკოლის გუნდები დაუპირისპირდნენ.
“ეს იყო ჩვენი ცენტრის მიერ ორგანიზებული, ძირითადად მთავარი ბიბლიოთეკის მიერ მომზადებული ღონისძიება. მონაწილეობდნენ სხვადასხვა სკოლები. მოსწავლეებს უნდა ეპასუხათ კითხვებზე. 16 კითხვა იყო დასმული. შეკითხვები ურიგდებოდათ ბავშვებს, დრო ჰქონდათ პასუხის მოსაფიქრებლად, შემდეგ პასუხს აწვდიდნენ ჟიურის და ხდებოდა შეფასება 1 ან 2 ქულით. იყო ბლიც კითხვებიც გუნდების მოთამაშეებისთვის. გაიმარჯვა 1 საჯარო სკოლის გუნდმა. მათ დაახლოებით 40 ქულა დააგროვეს. მეორე ადგილზე გავიდა ვანზომლეთის საჯარო სკოლა. ბლიცკითხვებში ვანზომლეთის სკოლის გუნდის მოთამაშემ რეკორდი მოხსნა, დასმული შეკითხვების უმეტესობას უპასუხა, მაგრამ წინა შედეგებით არ ჰქონდა მათი სკოლის გუნდს მაღალი ქულა და ამიტომ გაიმარჯვა 1 საჯარო სკოლის გუნდმა”,_ გვითხრა ჩოხატაურის არაფორმალური განათლების და კულტურული მემკვიდრეობის დაცვის ცენტრში ქალბატონმა ცირა ყაჭეიშვილმა.
დაძაბული თამაშის შემდეგ ჟიურის წევრებმა გამოავლინეს გამარჯვებული გუნდები, რომლებიც ფასიანი საჩუქრებით დაჯილდოვდნენ, ხოლო თამაშის ყველა მონაწილეს სამახსოვრო სიგელები გადაეცათ.
ავტორი
