EURONEWS-ის ინფორმაციით, უკრაინის ხელისუფლება იტყობინება რუსული სარაკეტო თავდასხმის ახალი ტალღის შესახებ. საჰაერო თავდასხმის სირენები გაისმა მთელი ქვეყნის მასშტაბით.
უკრაინის ოფიციალური პირების თქმით, რუსეთმა დაარტყა გაზის წარმოების ობიექტებს. ეს ხდება მას შემდეგ, რაც მსუბუქმა თოვლმა დაფარა დედაქალაქი კიევი და ქვეყნის სხვა ნაწილები.
როგორც მაუწყებლობა იუწყება, აფეთქებები გაისმა ქვეყნის რამდენიმე რაიონში, მათ შორის ოდესის სამხრეთ პორტში, დედაქალაქ კიევსა და ცენტრალურ ქალაქ დნიპროში, ხოლო მშვიდობიანი მოქალაქეებს მოუწოდეს თავშესაფრებში ჩასულიყვნენ, რადგან საჰაერო თავდასხმის გაფრთხილება იქნა გაცემული.
მიზნები მოიცავდა დნიპროში მდებარე უზარმაზარი პივდენმაშის სარაკეტო ქარხანას, _ განაცხადა პრემიერ-მინისტრმა დენის შმიჰალმა.
უკრაინის პრეზიდენტის ოფისის ცნობით, ქალაქში რამდენიმე აფეთქება მოხდა, რის შედეგადაც ორი ინფრასტრუქტურული ობიექტი დაზიანდა და ერთი ადამიანი დაშავდა.
კიევის ქალაქის ადმინისტრაციამ განაცხადა, რომ ორი რაკეტა ჩამოაგდეს დედაქალაქის თავზე.
ხუთშაბათს დილით უკრაინაში თოვლი დაფიქსირდა.
კულებამ ოთხშაბათს გააფრთხილა, რომ მომავალი კვირა იქნება “რთული”, ტემპერატურა, შეიძლება დაეცეს “-10°C-მდე”, მოსახლოების ნაწილი ელექტროენერგიის გარეშეა დარჩენილი.
